18.05.2026 | 15:02
Էլինա Ավանեսյանը պարտվել է որակավորման փուլի եզրափակիչում
Բաքուն հայտարարել է, թե Շուշիում մեծ քանակությամբ զենք և զինամթերք է հայտնաբերվել
16.09.2025 | 20:06
Շուշիում մեծ քանակությամբ զենք և զինամթերք է հայտնաբերվել։ Ադրբեջանական լրատվամիջոցների հաղորդմամբ՝ այս մասին ասվում է Ադրբեջանի պետական անվտանգության ծառայության, ՆԳՆ-ի և Ականազերծման գործակալության տարածած հաղորդագրության մեջ։
Հաղորդագրության համաձայն՝ իրականացված գործողությունների արդյունքում, որոնք ուղղված են եղել Ղարաբաղի տարածքում ապօրինի պահվող հրազենի և պայթուցիկ նյութերի թաքստոցների հայտնաբերմանը, Շուշիի Հին Շեն գյուղում հայտնաբերվել և առգրավվել է մեծ քանակությամբ զենք և զինամթերք։
Ադրբեջանական կողմի տարածած կադրերում երևում են հայերեն ԱԱԾ գրությամբ զրահաբաճկոններ։
Հիշեցնենք, որ ավելի վաղ Բաքուն Ստեփանակերտում ձերբակալել էր տեղի բնակիչ, 1967 թվականին ծնված Կարեն Ավանեսյանին՝ մեղադրելով, իբր, «զինված սադրանք» նախապատրաստելու մեջ։
Թարգմանությունը՝ Էմմա Չոբանյանի
