29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Բաքուն հրապարակել է Ստեփանակերտում ձերբակալված Կարեն Ավանեսյանի մասնակցությամբ կադրեր․ՏԵՍԱՆՅՈՒԹ
Քաղաքականություն
15.09.2025 | 10:52
Ադրբեջանական ԶԼՄ-ները տեսանյութ են հրապարակել, որում ըստ հրապարակումների, երևում է, ինչպես է Ստեփանակերտում ձերբակալված Կարեն Ավանեսյանը նախապատրաստում «զինված սադրանք»։ Ըստ ադրբեջանական աղբյուրների՝ կադրերում երևում է, ինչպես է Ավանեսյանն իր թաքստոցից հանում ինքնաձիգ և նռնակներ։ Կադրերում, որոնք առաջին հայացքից թատերականացված տպավորություն են թողնում, երևում է, որ տղամարդը քայլում է ուսապակով, մտնում տներից մեկը, հետո ինչ-որ բան վերցնում ու դնում պայուսակի մեջ, որը հստակ չի երևում։
Ավելի վաղ Բաքուն հայտնել էր, որ Ստեփանակերտում ձերբակալվել է տեղի բնակիչ, 1967 թվականին ծնված Կարեն Ալբերտի Ավանեսյանը։
Ադրբեջանի ՆԳՆ մամուլի ծառայության տեղեկացմամբ՝ Ավանեսյանը գնացել է քաղաքի մոտակայքում գտնվող անտառային տարածք, վերցրել այնտեղ նախկինում թաքցրած «Կալաշնիկով» ավտոմատը, դրա համար նախատեսված 4 պահունակ և 5 նռնակ։
Նրան ոստիկանները ձերբակալել են այն պահին, երբ իբր փորձել է մոտենալ Ստեփանակերտում անցկացվող միջոցառման վայրին․ զինված դիմադրություն է ցուցաբերել ոստիկանությանը, կիրառել է նռնակներից 3-ը և ավտոմատից կրակ է բացել։
Պատասխան կրակից Ավանեսյանը վիրավորվել է և ձերբակալվել։ Բացի այդ, ըստ ադրբեջանական կողմի, վիրավորում է ստացել նաև մեկ ոստիկան։
Հաղորդվում է, որ Կարեն Ավանեսյանն այժմ գտնվում է բժիշկների հսկողության տակ։
Թարգմանությունը՝Էմմա Չոբանյանի
