01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Ստեփանակերտում ձերբակալվել է հայազգի Կարեն Ավանեսյանը
Քաղաքականություն
14.09.2025 | 18:17
Ադրբեջանական լրատվամիջոցները հայտնում են, որ Ստեփանակերտում ձերբակալվել է տեղի բնակիչ, 1967 թվականին ծնված Կարեն Ավանեսյանը։
Ադրբեջանի ՆԳՆ մամուլի ծառայության տեղեկացմամբ՝ Ավանեսյանը գնացել է քաղաքի մոտակայքում գտնվող անտառ, վերցրել այնտեղ նախկինում թաքցրած «Կալաշնիկով» ավտոմատը, դրա համար նախատեսված 4 պահունակ և 5 նռնակ։
Տղամարդուն ոստիկանները ձերբակալել են այն պահին, երբ նա, ըստ տեղեկության, փորձել է մոտենալ Ստեփանակերտում անցկացվող միջոցառման վայրին։
«Ավանեսյանը զինված դիմադրություն է ցուցաբերել ոստիկանությանը․ նա կիրառել է նռնակներից 3-ը և ավտոմատից կրակ է բացել։ Ավանեսյանը վիրավորվել է և ձերբակալվել։ Բացի այդ, վիրավորում է ստացել նաև մեկ ոստիկան»,-նշվում է հաղորդագրությունում։
Ադրբեջանի ՆԳՆ-ից հայտնել են, որ Գլխավոր դատախազության և Պետանվտանգության ծառայության հետ համատեղ իրականացվում են օպերատիվ-քննչական գործողություններ, հարուցվել է քրեական գործ։
Նշենք՝ այժմ Ստեփանակերտում է նաև Ադրբեջանի նախագահ Իլհամ Ալիևը։
