Բաքվում Արցախի ղեկավարների շինծու գործերով նիստում փաստաթղթեր են ներկայացվել

Բաքվի զինվորական դատարանում Արցախի ղեկավարների, պաշտոնյաների նկատմամբ հարուցված շինծու գործերով հերթական դատական նիստն է կայացել։

Դատավար Զեյնալ Աղաևի նախագահությամբ ​​նիստին մասնակցել են հայ գերիները, նրանց պաշտպանները, «տուժողների» մի մասը, նրանց իրավահաջորդներն ու ներկայացուցիչները, ինչպես նաև պետական ​​մեղադրանքը պաշտպանող դատախազները։

Ադրբեջանական լրատվամիջոցների հաղորդմամբ՝ դատարանում հրապարակված փաստաթղթերից մեկում խոսվում է, իբր թե, 1990 թվականի մարտի 24-ին Սադարակի հրետակոծության փաստի մասին՝ Հայաստանի Արարատի մարզի Երասխ գյուղի տարածքից, երբ «արձակվել է երկու հրթիռ»։

Հրապարակվել են փաստաթղթեր, որոնք վերաբերվել են Շահբուզի շրջանի Շադա (Շամեն) գյուղում մի քանի մարդկանց վիրավորմանը, ինչպես նաև Թովուզի շրջանի Գիշլագ գյուղերի և այլ բնակավայրերի հրետակոծությանը։

Այսպես տարբեր փաստաթղթեր են ներկայացվել նիստի ընթացում։ Մեկ այլ փաստաթուղթ, իբր թե, վերաբերել է 1990 թվականի նոյեմբերի 30-ի իրադարձություններին, երբ Ստեփանակերտի մոտակայքում Ադրբեջանի ՆԳՆ ոստիկանության հատուկ նշանակության ուժերի ավտոբուսը Խոջալուի՝ Իվանյանի օդանավակայանում ծառայության էր գնում, պայթեցվել էր կամուրջը, որով անցնում էր ավտոբուսը, որից հետո այն «կրակոցների թիրախ է դարձել»։

Միջադեպի հետևանքով վիրավորվել է կրտսեր սերժանտ Ռաֆիգ Յունուսովը։  Ըստ գործի նյութերի՝ «մեղադրյալ Սամվել Բաբայանը ցուցմունք է տվել, որ ավտոբուսի ընթացքի ճանապարհը պայթեցվել է «Գագո» անունով հայի հրամանատարությամբ գործող հայկական ջոկատի կողմից»։

Հաղորդվում է, որ դատական հաջորդ նիստը տեղի կունենա սեպտեմբերի 12-ին։

Թարգմանությունը՝ Էմմա Չոբանյանի