24.06.2026 | 16:06
Առաջիկա օրերին սպասվում է անձրև, ամպրոպ, քամու ուժգնացում
ՌԴ-ի կողմից հետախուզվող Վրաստանի քաղաքացի է ձերբակալվել
Քաղաքականություն
08.09.2025 | 19:36
Սեպտեմբերի 3-ին Գոգավանի սահմանային անցակետում հայտնաբերվել է Ռուսաստանի Դաշնության կողմից «վարձկանության» հատկանիշներով միջպետական հետախուզման մեջ գտնվող Գիորգի Կինոիանին։ Այս մասին Factor TV-ի հարցմանն ի պատասխան հայտնեցին Ներքին գործերի նախարարությունից։
«Հետախուզվողի հայտնաբերման մասին տեղեկացվել են Գլխավոր դատախազությունը, Արդարադատության նախարարությունը, ինչպես նաև հետախուզումը նախաձեռնողը»,- նշեց ՆԳՆ մամուլի քարտուղար Նարեկ Սարգսյանը։
Factor TV-ն դիմեց նաև Արդարադատության նախարարություն, որտեղից մեզ հայտնեցին, որ Կինոիանին ձերբակալվել, ապա կալանավորվել է։
«Արդարադատության նախարարությունը և Ներքին գործերի նախարարությունը կողմին ծանուցում է, որ հետախուզվողը հայտնաբերվել է։ Ըստ գործընթացի՝ կողմը մեզ ուղարկում է համապատասխան փաստաթղթեր, որոնք ուսումնասիրվում են ԱՆ-ի կողմից, ինչից հետո որոշվում է՝ անձն արտահանձնվելու է, թե՞ ոչ»,- նշեց ԱՆ մամուլի քարտուղար Մարիամ Մելքումյանը։
Ռոզա Վարդանյան
