25.08.2026 | 20:31
Ծանրորդ Ակսաննա Թորոսյանը Եվրոպայի առաջնությունում զբաղեցրել է 7-րդ տեղը
Հայաստանը Հնդկաստանն ու Իրանը պատրաստվում են եռակողմ հանդիպում անցկացնել
Քաղաքականություն
08.09.2025 | 12:58
Հնդկաստանը և Իրանն այս շաբաթ Թեհրանում կանցկացնեն արտաքին գործերի նախարարության խորհրդակցություններ՝ «կապերը բարելավելու համար»։ Այն կհետևի երկու երկրների ազգային անվտանգության խորհրդականների միջև շաբաթ օրը կայացած հեռախոսազրույցին, գրում է The Economic Times-ը։
Հնդկաստանի ԱԳՆ-ի պատվիրակությունը կմեկնի Իրանի մայրաքաղաք։ Ըստ պարբերականի՝ բանակցությունները կկենտրոնանան Չաբահար նավահանգստի գործունեւթյան խթանման և Հյուսիս-Հարավ միջազգային տրանսպորտային միջանցքի զարգացման, ինչպես նաև այլ հարցերի վրա։
Լրատվամիջոցը նշում է, որ սա կլինի երկու կողմերի միջև առաջին կառուցվածքային երկխոսությունը հունիսին Իրանի և ԱՄՆ-Իսրայելի միջև տեղի ունեցած ռազմական հակամարտությունից ի վեր։
Հնդկաստան-Իրան երկկողմ հանդիպումից հետո կկայանա Հնդկաստան-Իրան-Հայաստան եռակողմ հանդիպումը, որը մշակվել է վերջին մի քանի տարիների ընթացքում՝ Իրանի միջոցով Հնդկաստանի և Հայաստանի միջև կապ հաստատելու համար։ Լրատվամիջոցն ընդգծում է, որ այս հանդիպումը կարող է հնարավորություն լինել ծանոթանալու Հայաստանի և Ադրբեջանի միջև վերջերս կնքված խաղաղության համաձայնագրին։
Շաբաթ օրը Հնդկաստանի ազգային անվտանգության խորհրդական Աջիտ Դովալը և Իրանի ազգային անվտանգության խորհրդի քարտուղար Ալի Լարիջանին հեռախոսազրույց են ունեցել։
Իրանական կողմի հաղորդագրության համաձայն՝ հեռախոսազրույցի ընթացքում կողմերը քննարկել են երկու երկրների միջև տնտեսական համագործակցության, անվտանգության և պաշտպանության կապերի ընդլայնումը, ինչպես նաև՝ Չաբահար նավահանգստի նախագծի զարգացումը։
Թարգմանությունը՝ Էմմա Չոբանյանի
