17.02.2026 | 18:10
Արմեն Գրիգորյանն ու Գերտ Յան Կուպմանը քննարկել են Հայաստան–ԵՄ երկկողմ համագործակցության օրակարգային հարցեր
Ռուբեն Վարդանյանի շինծու գործով նիստում Բաքվի դատարանում «տուժողներ» են ցուցմունք տվել
Քաղաքականություն
27.08.2025 | 09:58
Բաքվի զինվորական դատարանում տեղի է ունեցել Արցախի նախկին պետնախարար Ռուբեն Վարդանյանի դեմ հարուցված շինծու գործերով հերթական դատական նիստը, որը նախագահել է դատավոր Զեյնալ Աղաևը։ Ադբեջանական լրատվամիջոցների փոխանցմամբ՝ հարցաքննությունից առաջ Աղաևը «տուժողներին» և նրանց իրավահաջորդներին, որոնք առաջին անգամ են մասնակցել դատավարությանը, բացատրել է օրենքով սահմանված նրանց իրավունքներն ու պարտականությունները։
Այնուհետև դատարանը լսել է, այսպես կոչված, «տուժողների» և նրանց իրավահաջորդների ցուցմունքները։
Մասնավորապես, «տուժող» Գասիմ Մամեդհասանովի իրավահաջորդը՝ նրա հայրը՝ Բիլալ Մամեդհասանովը, հայտարարել է, որ իր որդին զոհվել է Իվանյանում՝ «հայկական բանակի մնացորդների և հայկական անօրինական զինված կազմավորումների կողմից արձակած կրակի հետևանքով»։
Գործով նաև այլ «տուժողներ» են ցուցմունք տվել։
Հաջորդ դատական նիստը նշանակվել է սեպտեմբերի 2-ին։
Թարգմանությունը՝ Էմմա Չոբանյանի
