28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Էրդողանն ու Ալիևը նոր գործարանային համալիրի բացումը միասին են իրականացնելու
Քաղաքականություն
19.10.2018 | 20:38
Թուրքիայում տնտեսության մասնավոր ոլորտում Ադրբեջանի կատարած ամենախոշոր ներդրման արդյունքում ստեղծված և 20 գործարանից կազմված «STAR» նավթավերամշակման գործարանային համալիրի բացման արարողությունը կկայանա Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի մասնակցությամբ. փոխանցում է ermenihaber-ը:
Այս համալիրի կառուցման վրա ծախսվել է շուրջ 6.3 միլիարդ դոլար: 7 տարի տևած շինարարական աշխատանքների արդյունքում ստեղծված այս նավթավերամշակման համալիրը միտված է տարեկան կտրվածքով ամենաքիչը 1.5 միլիարդ դոլարով կրճատելու Թուրքիայի արտաքին առևտրի ճեղքվածքը:
Էրգեյան ծովի ափամերձ Իզմիր նահանգի Ալիաղա շրջանում 2011-ից ի վեր կառուցվող, Մերձավոր Արևելքում և Եվրոպայում նավթային ոլորտում ամենախոշոր նախագծերից մեկը հանդիսացող գործարանային համալիրը բաղկացած է 2860 հեկտար հողատարածք զբաղեցնող 3 նավամատույցից և 20 գործարանից:
«STAR» նավթավերամշակման գործարանային համալիրը տարեկան 10 միլիոն տոննա նավթային հումք վերամշակելու հնարավորությամբ է օժտված:
