05.11.2026 | 13:45
ԵՄ-ն հունվարին կքննարկի Վրաստանի դեմ նոր միջոցների կիրառումը ժողովրդավարության հետընթացի պատճառով
Ուկրաինան կարող է համաձայնվել ՌԴ-ին հանձնել բռնազավթված տարածքները․ Daily Telegraph
Քաղաքականություն
12.08.2025 | 11:04
Ուկրաինան կարող է համաձայնվել դադարեցնել ռազմական գործողությունները և զիջել Ռուսաստանի կողմից արդեն բռնազավթված տարածքները՝ որպես Եվրոպայի կողմից աջակցվող խաղաղության ծրագրի մաս։ Այս մասին գրում է Daily Telegraph-ը, փոխանցում է BBC-ի ռուսական ծառայությունը։
Աղբյուրի պնդմամբ՝ Ուկրաինայի նախագահ Վլադիմիր Զելենսկին եվրոպացի առաջնորդներին ասել է, որ նրանք պետք է մերժեն ԱՄՆ նախագահ Դոնալդ Թրամփի ցանկացած առաջարկ, ըստ որի՝ Ուկրաինան պետք է ավելի շատ տարածքներ զիջի, միաժամանակ, Ռուսաստանին կարող է թույլ տալ պահպանել իր բռնագրավված տարածքների մի մասը։
Նշվում է, որ դա կնշանակեր ռազմաճակատի գծի սառեցում և Ռուսաստանի փաստացի վերահսկողություն Դոնեցկի, Լուգանսկի, Զապորոժիեի և Խերսոնի մարզերի տարածքների, ինչպես նաև բռնակցված Ղրիմի նկատմամբ։
Պարբերականը նշում է, որ բանակցային դիրքորոշման մեղմացումը տեղի է ունենում Դոնալդ Թրամփի և ՌԴ նախագահ Վլադիմիր Պուտինի միջև ուրբաթ՝ օգոստոսի 15-ին Ալյասկայում կայանալիք բանակցություններից առաջ։
«[Խաղաղ կարգավորման] ծրագիրը կարող է վերաբերել միայն զինվորականների կողմից զբաղեցրած ներկայիս դիրքերին»,- Daily Telegraph-ին ասել է արևմտյան աղբյուրը։
