21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Բաքվում Ռուբեն Վարդանյանի շինծու գործերով նիստում «տուժողներն» ու նրանց իրավահաջորդներն են ցուցմունք տվել
Քաղաքականություն
05.08.2025 | 19:22
Բաքվի զինվորական դատարանում տեղի է ունեցել Արցախի նախկին պետնախարար Ռուբեն Վարդանյանի դեմ հարուցված շինծու գործերով հերթական դատական նիստը, որը նախագահել է դատավոր Զեյնալ Աղաևը։
Ադրբեջանական լրատվամիջոցների հաղորդմամբ՝ հարցաքննությունից առաջ դատավոր Զեյնալ Աղաևը «տուժողներին» և նրանց իրավահաջորդներին, ովքեր առաջին անգամ են մասնակցել դատավարությանը, բացատրել է օրենքով նախատեսված նրանց իրավունքներն ու պարտականությունները։
Մասնավորապես, դատարանում ցուցմունք տված «տուժող» Շամիստան Սադիխովի օրինական իրավահաջորդը՝ նրա հայր Աբդուլագա Սադիխովն ասել է, որ իր որդին մահացել է, իբր, հայկական բանակի մնացորդների և հայկական անօրինական զինված խմբավորումների կողմից արձակված կրակի հետևանքով։
Ցուցմունք են տվել նաև այլ «տուժողներ»։ Հաջորդ դատական նիստը նշանակվել է օգոստոսի 12-ին։
Հիշեցնենք, որ հուլիսի 29-ին տեղի ունեցած նախորդ նիստում կրկին, այսպես կոչված, «տուժողներն» էին ցուցմունք տվել։
Թարգմանությունը՝ Էմմա Չոբանյանի
