29.04.2026 | 19:00
«Բոլորին դեմ եմ»-ը չի խոսում անիշխանությունից, կձևավորենք պատասխանատու իշխանություն 100 օրով․ Սպարտակ Կյուրեղյան․ ՏԵՍԱՆՅՈՒԹ
Ռուբեն Վարդանյանի շինծու գործերով նիստում «տուժողներ» են ցուցմունք տվել
Քաղաքականություն
29.07.2025 | 20:24
Բաքվի զինվորական դատարանում այսօր տեղի է ունեցել Արցախի նախկին պետնախարար Ռուբեն Վարդանյանի դեմ հարուցված շինծու գործերով դատական նիստը։ Այն նախագահել է դատավոր Զեյնալ Աղաևը։
Ինչպես հաղորդում են ադրբեջանական լրատվամիջոցները, հարցաքննության սկսվելուց առաջ Աղաևը «տուժողներին» և նրանց իրավահաջորդներին, ովքեր առաջին անգամ են մասնակցել դատավարությանը, բացատրել է նրանց իրավունքներն ու պարտականությունները, որոնք սահմանված են օրենքով։
Մասնավորապես, «տուժող» Իսա Քյալբիևի իրավահաջորդը՝ նրա հայրը՝ Ռագիմ Քյալբիևը, իր ցուցմունքում նշել է, թե իր որդին զոհվել է Քարվաճառի շրջանում «հայկական բանակի մնացորդների և հայկական անօրինական զինված խմբավորումների կողմից կրակի հետևանքով»։
Այսպես, մի շարք «տուժողներ» են ցուցմունք տվել։
Հաջորդ դատական նիստը նշանակվել է օգոստոսի 5-ին։
Նախորդ նիստը տեղի էր ունեցել հուլիսի 22-ին։ Ռուբեն Վարդանյանը Բաքվի դատարանին մի շարք առարկություններ էր ներկայացրել։
Թարգմանությունը՝ Էմմա Չոբանյանի
