17.05.2026 | 21:47
Ըմբիշ Ավետիք Թութխալյանը դարձել է Մ-17 ԵԱ բրոնզե մեդալակիր
Արցախում անտառային տարածքներում լայնածավալ հրդեհներ են․ Ակնայում և Մարտակերտում ականներ են պայթել․ ՏԵՍԱՆՅՈՒԹ
23.07.2025 | 12:15
Արցախում անտառային հրդեհներ են բռնկվել։ Ադրբեջանական լրատվամիջոցների հաղորդմամբ՝ նախօրեին երեկոյան Ակնայի և Մարտակերտի շրջանների անտառային տարածքներում բռնկված հրդեհը շարունակում է տարածվել։
Հրդեհը սկսվել է Աղդամի մի քանի գյուղերից և տարածվել Մարտակերտի շրջանի Նոր Ղազանչի գյուղում։ Հրդեհն ընդգրկել է հսկայական տարածքներ՝ թփերի և չոր խոտի այրման պատճառով, ինչը նպաստել է հրդեհի արագ տարածմանը։ Կրակը մարելու համար ներգրավվել են Արտակարգ իրավիճակների նախարարության հրշեջ ջոկատները: 50 հոգուց բաղկացած խումբը, օգտագործելով հատուկ տեխնիկա, փորձում է կանխել հրդեհի տարածումը դեպի անտառ:
Նշվում է, որ հրդեհն ուղեկցվում է ականների պայթյուններով, ինչը զգալիորեն դժվարացնում է հրդեհաշիջման աշխատանքները։
Ադրբեջանական լրատվամիջոցները հայտնում են, որ հրդեհաշիջման աշխատանքներում ներգրավվել է ԱԻՆ երկու ուղղաթիռ՝ հրդեհի ավելի լայն տարածումը կանխելու և մարման աշխատանքներն արագացնելու համար։ Նշվում է նաև, որ հրդեհի գոտիներում հայտնաբերվել է չպայթած զինամթերք։
Հավելենք, որ օրերս էլ Լաչինում էր անտառային հրդեհ բռնկվել։
Թարգմանությունը՝ Էմմա Չոբանյանի
