16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Լաչինում անտառային հրդեհ է բռնկվել․ հրդեհված տարածքում պայթյուն է տեղի ունեցել
Քաղաքականություն
17.07.2025 | 11:45
Ուշ երեկոյան անտառային հրդեհ է բռնկվել Լաչինում, տարածքում նաև պայթյուն է տեղի ունեցել։
Ադրբեջանական լրատվամիջոցները հայտնում են, որ Արտակարգ իրավիճակների նախարարության 112 թեժ գծին տեղեկատվություն է ստացվել Խոչազ գյուղի ուղղությամբ լեռնային տարածքում բռնկված հրդեհի մասին։ Դեպքի վայրում սկսել են աշխատել Պետական հրշեջ ծառայության ուժերը։
Հրդեհը բռնկվել է այն տարածքում, որտեղ անցյալում տեղի են ունեցել ռազմական գործողություններ։ «Հրդեհաշիջման աշխատանքների ընթացքում անձնակազմի լայնածավալ միջամտությունը սահմանափակ է եղել տարածքում ականների և չպայթած զինամթերքի հնարավոր առկայության պատճառով»,- ասված է հաղորդագրության մեջ։
Նշվում է, որ հաջողվել է կրակը մեկուսացնել, սակայն այն տարածքում, որտեղ ենթադրվում է՝ կան ականներ և չպայթած զինամթերք, հրդեհը շարունակվում է։Տարածք է տարվել համապատասխան տեխնիկա և մարդկային ուժ, իսկ անվտանգության միջոցառումներն ուժեղացվել են։
Առավոտյան Ադրբեջանի ԱԻՆ-ը հայտնել է, որ հրդեհը լիովին վերահսկողության տակ է վերցվել։ Ենթադրվում է, որ միջադեպի պատճառը զբոսաշրջիկների անփութությունն է եղել կրակի հետ վարվելիս։
«Կրակի ազդեցության հետևանքով հրդեհի վայրում պայթել է ական, ուստի անձնակազմը և տեխնիկան չեն կարողացել անմիջականորեն միջամտել դրա մարմանը։ Նախնական վարկածի համաձայն՝ հրդեհի պատճառը եղել է արձակուրդի ժամանած զբոսաշրջիկների կողմից անվտանգության կանոնների չպահպանումը։ Մոտ 10 հեկտար տարածք ընդգրկող հրդեհը տեղայնացվել է»,-ասել է ԱԻՆ Պետական հրշեջ ծառայության Լաչինի շրջանային վարչության պետի տեղակալ Ռուսլան Սուլեյմանովը։
Թարգմանությունը՝ Էմմա Չոբանյանի
