07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ռոմանոս Պետրոսյանի հետ չեմ շփվել, աշխատանքի վայրում եմ․ Դավիթ Ղազինյանը իր ազատման լուրերի մասին
Քաղաքականություն
21.07.2025 | 16:43
«Ես ազատման հրաման չեմ ստացել»,- Factor.am-ի հետ զրույցում ասաց ՀԷՑ-ի իրացման գծով տնօրեն Դավիթ Ղազինյանը։ Մինչ այդ մամուլում տեղեկություններ շրջանառվեցին, որ այսօր ՀԷՑ-ի՝ պետության կողմից ժամանակավոր կառավարիչ նշանակված Ռոմանոս Պետրոսյանն արդեն տվել է Ղազինյանին ազատելու հրամանը։
«Դավիթ Ղազինյանը ՀԷՑ-ում ձև չունի մնալու»,-ասել էր Պետրոսյանը լրագրողների հետ զրույցում։
«Ես աշխատանքի վայրում եմ»,-ասաց Դավիթ Ղազինյանը՝ նշելով, որ ինքը Պետրոսյանին չի հանդիպել, սակայն, այլ աշխատակիցներ հանդիպել են։ «Տարբեր տեղակալների, աշխատակիցների հետ հանդիպել է։ Ես չեմ շփվել իր հետ»,-ասաց Ղազինյանը։
Ռոմանոս Պետրոսյանը նշել էր, որ պատրաստվում է հանդիպել նաև ՀԷՑ-ի տնօրենների խորհրդի նախագահ Նարեկ Կարապետյանին։ Դավիթ Ղազինյանը փոխանցեց՝ տեղեկություն չունի Նարեկ Կարապետյանը հանդիպելու է Պետրոսյանի հետ, թե՝ ոչ։ Ղազինյանը հայտնեց, որ դեռ որևէ աշխատակից ՀԷՑ-ից չի ազատվել։ Թեմայի վերաբերյալ Ռոմանոս Պետրոսյանից մեկնաբանություն ստանալ չհաջողվեց, չնայած, նա այսօր ՀԷՑ-ի գրասենյակի դիմաց հայտարարում էր, որ լինելու է բաց ու թափանցիկ։
Նարեկ Կիրակոսյան
