29.04.2026 | 15:55
Պատասխաններն անսպասելի են. Վարդապետյանը` Աբրահամյանի տան վաճառքի, Նարեկ Նալբանդյանի հյուրանոցի մասին. ՏԵՍԱՆՅՈՒԹ
Արգիշտի Մեխակյանը Վաղարշապատի ղեկավարի պաշտոնակատար նշանակվեց
Քաղաքականություն
15.07.2025 | 17:57
Նիկոլ Փաշինյանի հուլիսի 15-ի որոշմամբ Արգիշտի Մեխակյանը նշանակվել է Արմավիրի մարզի Վաղարշապատ համայնքի ղեկավարի պաշտոնակատար։
Նշենք, որ Մեխակյանը մինչ այս զբաղեցնում էր Արմավիրի մարզպետի պաշտոնը, եղել է նաև Խոյ խոշորացված համայնքի ղեկավար, Արմավիրի մարզպետի տեղակալ, «Իմ քայլը» խմբակցության պատգամավոր։
Վաղարշապատի ղեկավար Դիանա Գասպարյանը շուրջ մեկ ամիս առաջ հրաժարական տվեց, այսօր էլ հայտնի դարձավ, որ նա մեղադրյալի կարգավիճակ ունի։
Այժմ տեղեկություններ կան, որ Մեխակյանն առաջիկա ընտրություններին Վաղարշապետի համայնքապետի՝ իշխանության թեկնածուն է։ Մինչ այս էլ կառավարության որոշմամբ Խոյ խոշորացված համայնքը միացվեց Վաղարշապատին։ Սա, հավանաբար, պայմանավորված է նրանով, որ Մեխակյանի համայնքապետ ընտրվելը առանց խոչընդոտների անցնի՝ հաշվի առնելով, որ նա մեկ անգամ կարողացել է Խոյում ղեկավար ընտրվել։
Նարեկ Կիրակոսյան
