27.02.2026 | 13:18
Պաշտպանը Սեյրան Օհանյանի նկատմամբ քրեական հետապնդումը դադարեցնելու միջնորդություն ներկայացրեց. ՏԵՍԱՆՅՈՒԹ
Կիմ Չեն Ընը խոստացել է աջակցել Ռուսաստանին Ուկրաինայի դեմ պատերազմում
13.07.2025 | 10:49
Հյուսիսային Կորեայի առաջնորդ Կիմ Չեն Ընը խոստացել է Ռուսաստանին առանցքային և անվերապահ աջակցություն Ուկրաինայի դեմ պատերազմում։ Ինչպես կիրակի՝ հուլիսի 13-ին, հաղորդել է Հյուսիսային Կորեայի պետական Կենտրոնական հեռագրային գործակալությունը (KCNA), Ռուսաստանի արտգործնախարար Սերգեյ Լավրովի հետ հանդիպման ընթացքում Կիմը հայտարարել է, որ իր երկիրը պատրաստ է «անվերապահորեն աջակցել և խրախուսել ռուսական ղեկավարության բոլոր գործողությունները, որոնք ուղղված են ուկրաինական ճգնաժամի արմատական պատճառների վերացմանը», փոխանցում է DW-ն։
Մինչ այդ օրը՝ Լավրովը բանակցել է Հյուսիսային Կորեայի Արտաքին գործերի նախարար Ցոյ Սոն Հիի հետ՝ երկրի արևելյան ափին գտնվող Վոնսան քաղաքում։ Նույն տեղում նա հանդիպել է նաև Կիմ Չեն Ընի հետ։
«Մենք կարծիքներ ենք փոխանակել ուկրաինական ճգնաժամի շուրջ։ Կորեացի բարեկամները հաստատել են իրենց միանշանակ աջակցությունը Ռուսաստանի ղեկավարության և բանակի կողմից իրականացվող հատուկ ռազմական գործողության բոլոր նպատակներին»,-հայտարարել է Ռուսաստանի արտգործնախարարը։ Նա նաև շնորհակալություն է հայտնել ԿԺԴՀ բանակի զինծառայողների՝ Կուրսկի մարզում տեղի ունեցած գործողություններին մասնակցության համար։
Լրագրողների հարցին՝ արդյոք հնարավոր է, որ Հյուսիսային Կորեան նոր ուղղություններով ներգրավի իր զինվորներին ռուս-ուկրաինական պատերազմում, Լավրովը պատասխանել է, որ ԿԺԴՀ առաջնորդ Կիմ Չեն Ընն անձամբ է որոշում, թե ինչ ձևով օգնություն ցուցաբերի Ռուսաստանին։
Հանդիպման ընթացքում կողմերը վերահաստատել են իրենց համագործակցությունը՝ 2024 թվականին ստորագրված գործընկերության համաձայնագրի շրջանակում, որը ներառում է նաև փոխադարձ պաշտպանության պայմանագիր։
Հարավային Կորեայի և Ուկրաինայի հետախուզական տվյալների համաձայն՝ Փհենյանը պլանավորում է առաջիկա ամիսներին Ուկրաինայի դեմ Մոսկվայի հարձակմանը աջակցելու նպատակով լրացուցիչ ուղարկել 25-ից 30 հազար զինծառայող։
