19.02.2026 | 19:36
Գնում եմ բանջարի, որ կարենամ երեխեքիս պահեմ. Ծովինարը երեխաների հետ ապրում է վագոն-տնակում. ՏԵՍԱՆՅՈՒԹ
Արթուր Սարգսյանը 2 ամսով կալանավորվեց
Հասարակություն
09.07.2025 | 18:37
Ավան և Նոր Նորք նստավայրի դատավոր Արտակ Կարապաետյանի որոշմամբ ԱԺ «Հայաստան» խմբակցության պատգամավոր Արթուր Սարգսյանը երկու ամսով կալանավորվել է։
Սարգսյանի պաշտպանները միջնորդություններ էին ներկայացրել դատարան կիրառել այլընտրանքային խափանման միջոցներ՝ բացակայելու արգելք, գրավ, տնային կալանք, նաև վարչական հսկողություն։ Բայց, փաստորեն, այս միջնորդությունները մերժվել են։
Նշենք, որ Սարգսյանին կալանավորելու միջնորդությունը պիտի քննվեր Երևանի քրեական դատարանի Աջափնյակ 1 նստավայրում, սակայն միջնորդությունը մակագրվել էր Արտակ Կարապետյանին, որը ավելի վաղ Սամվել Կարապետյանին կալանավորելու որոշում էր կայացրել։ Դատարանը բացատրել է, որ Երևանի քրեական դատարանի բոլոր դատավորներն են ներգրավված եղել հերթապահության գրաֆիկում։
«Դատարանն արձանագրել է, որ գլխավոր դատախազի նշած հիմքերից երկուսը բացակայում են, մասնավորապես, նոր հանցանք կատարելն ու փախուստի դիմելը։ Իրատեսական գնահատելով միայն խոչընդոտելու հավանականությունը՝ դատարանը նման որոշում կայացրեց և երկամսյա ժամկետով կալանք կիրառեց Արթուր Սարգսյանի նկատմամբ»,- լրագրողների հետ զրույցում ասաց պաշտպան Սմբատ Սիմոնյանը։ Նա նաև ասաց, որ տասնօրյա ժամկետում բողոքարկելու են դատարանի որոշումը։
Արփի Հակոբյան
