04.07.2026 | 01:22
ԱԱ-2026. Եգիպտոսը հաղթեց հետխաղային 11-մետրանոցներով. ՏԵՍԱՆՅՈՒԹ
Շրջանառությունից դուրս է բերվել շուրջ 216 միլիոն դրամի թմրամիջոց․ ոստիկանների բացահայտումը
Հասարակություն
09.07.2025 | 10:22
Հուլիսի 7-ին` ժամը 15.20-ին, մայրաքաղաքի Մազմանյան փողոցում ձերբակալվել են Ձորաղբյուրի բնակիչ երկու տղամարդ ու ու երևանցի մի կին:
Ըստ ՆԳՆ ոստիկանության տարածած հաղորդագրության՝ 40-ամյա տղամարդու վարած «Ֆորդ» մակնիշի մեքենայով հանդերձ նրանք տեղափոխվել են Համայնքային ոստիկանության Էրեբունու բաժին: Վարորդի խուզարկությամբ հայտնաբերվել է մոխրանման հետքերով կաթուցիչ, նաև` ծալովի դանակ:
«Նախաձեռնված քրեական վարույթի շրջանակներում դատարանի որոշմամբ 40-ամյա տղամարդու տունը խուզարկվեց։
Հայտնաբերվեցին տարատեսակ թմրամիջոցների առանձնապես խոշոր չափերով զանգվածներ, մասնավորապես՝ 3 կիլոգրամ 742 գրամ ափիոն, 1 կիլոգրամ 850 գրամ մարիխուանա, 596 գրամ մեթամֆետամին, 256 գրամ հաշիշ ու մեթադոնի 10 հաբ, նաև`գնդացրի երկու փամփուշտ:
Միայն այս բացահայտմամբ շրջանառությունից դուրս է բերվել շուկայական արժեքով շուրջ 216 միլիոն դրամի թմրամիջոց»,- ասված է հաղորդագրությունում։
Նշվում է, որ երեքն էլ տեղափոխվել են ձերբակալվածների պահման վայր։
Նշանակվել են դատաքիմիական և դատաձգաբանական փորձաքննություններ։
Նախաքննությամբ հանգամանքները պարզվում են։
