07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՄԻՊ-ը առանձնազրույցներ է ունեցել վերջին օրերի իրադարձությունների հետևանքով ազատությունից զրկված անձանց հետ
Հասարակություն
08.07.2025 | 10:35
Մարդու իրավունքների պաշտպան Անահիտ Մանասյանը և աշխատակազմի ներկայացուցիչները հուլիսի 7-ին այցեր են իրականացրել ՀՀ արդարադատության նախարարության «Աբովյան» և «Երևան-Կենտրոն» քրեակատարողական հիմնարկներ․ հայտնում են ՄԻՊ աշխատակազմից։
«Անահիտ Մանասյանը և ՄԻՊ ներկայացուցիչները տեսակցել են ազատությունից զրկված անձանց, այդ թվում՝ վերջին օրերի իրադարձությունների հետևանքով ազատությունից զրկված անձանց, տեղի են ունեցել առանձնազրույցներ։
Որոշ հարցեր քննարկվել են նաև քրեակատարողական հիմնարկների վարչակազմերի ներկայացուցիչների հետ»,- նշված է հաղորդագրությունում։
Հաղորդվում է նաև, որ Մարդու իրավունքների պաշտպանի հանձնարարությամբ հուլիսի 8-ին` այս պահին ՄԻՊ ներկայացուցիչներն այցեր են իրականացնում նաև «Նուբարաշեն», «Վարդաշեն» և այլ քրեակատարողական հիմնարկներ, սակայն այցերի մանրամասները խորհրդապահական են՝ ենթակա չեն հրապարակման:
«Արդյունքները կամփոփվեն և արձանագրված խնդիրների կապակցությամբ անհրաժեշտ պարզաբանումներ կպահանջվեն իրավասու մարմիններից»,- ասված է հաղորդագրությունում։
