29.04.2026 | 11:47
ՊՍԺ-ն ու «Բավարիան» ՉԼ-ի ռեկորդ են սահմանել, Նոյերը հակառեկորդ է կրկնել
Ակնկալում ենք, որ Հայաստանը կփոխի իր Սահմանադրության տեքստը․ Ալիևի օգնական
Քաղաքականություն
08.07.2025 | 10:29
Ադրբեջանի նախագահի օգնական Հիքմեթ Հաջիևը հայտարարել է, որ Ադրբեջանն ու Հայաստանը խնդրահարույց հարցերը քննարկում են լիովին բաց, առանց որևէ միջնորդության։
«Ուզում եմ ընդգծել, որ Հայաստանի և Ադրբեջանի միջև խաղաղությունն արդեն կա։ Ի վերջո, պատերազմն ավարտվել է։ Երբ նայում եք մեր սահմաններին, ամենուրեք տեսնում եք խաղաղություն և կայունություն։ Ես նույնիսկ կասեի, որ տարածաշրջանում նոր ստատուս քվո է հաստատվել՝ հիմնված օրինականության և լեգիտիմության վրա։ Մենք համաձայնության ենք եկել խաղաղության համաձայնագրի տեքստի շուրջ։ Թղթի վրա կարելի է խաղաղություն ունենալ, բայց տեղում իրավիճակը երբեմն բոլորովին այլ է։ Այժմ մենք ունենք հակառակը։ Տեղում խաղաղություն է, հայ-ադրբեջանական սահմանը կայուն է, Ղարաբաղն այլևս օրակարգում չէ։ Բայց որպեսզի խաղաղության համաձայնագիրը վերջապես ուժի մեջ մտնի, անհրաժեշտ է մեկ վերջին քայլ»,- ասել է Հաջիևը սլովակյան Hospodárske noviny-ի հետ զրույցում։
Ըստ Ալիևի օգնականի՝ խաղաղության համաձայնագրի կնքման վերջին քայլը կլինի ՀՀ Սահմանադրության փոփոխությունը։
«Մենք ակնկալում ենք, որ Հայաստանը կփոխի իր Սահմանադրության տեքստը, որը դեռևս պարունակում է Ադրբեջանի նկատմամբ տարածքային պահանջների վերաբերյալ կետեր: Ամեն դեպքում, լավ է, որ մենք պահպանում ենք հայերի հետ երկկողմանի հաղորդակցության ուղի: Մենք նրանց հետ քննարկում ենք խնդրահարույց հարցերը լիովին բաց, առանց որևէ միջնորդության։ Եվ մեր զրույցների օրակարգում կգտնեք իսկապես կարևոր գլուխներ։ Այո, մեր միջև վեճը պահպանվում է, բայց հարևան երկրների միջև վեճերը երբեմն լիովին նորմալ են։ Մենք ունենք դիվանագիտություն և երկխոսություն վեճերը լուծելու համար»,- ասել է Ալիևը օգնականը։
Թարգմանությունը՝ Էմմա Չոբանյանի
