08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Հայաստանի հետ խաղաղության համաձայնագրի նախագծի տեքստի շուրջ քննարկումներն ավարտվել են. Ամիրբեկով
Քաղաքականություն
06.07.2025 | 10:41
Ավարտվել են Ադրբեջանի և Հայաստանի միջև խաղաղության համաձայնագրի նախագծի տեքստի շուրջ քննարկումները։ Այս մասին ասվում է Ադրբեջանի նախագահի հատուկ ներկայացուցիչ Էլչին Ամիրբեկովի՝ Մեքսիկա կատարած աշխատանքային այցի ժամանակ արված հայտարարության մեջ, փոխանցում են ադրբեջանական լրատվամիջոցները։
Խոսելով Հայաստանի հետ խաղաղության գործընթացի մասին՝ Ամիրբեկովն ասել է, որ 30 տարվա հակամարտությունից հետո պատմական հնարավորություն է ստեղծվել Հարավային Կովկասում կայուն և անշրջելի խաղաղություն հաստատելու համար։ Միևնույն ժամանակ, նա հայտնել է համաձայնագրի ստորագրման խոչընդոտների մասին։
Ըստ նրա՝ դրանց թվում են Հայաստանի Սահմանադրության մեջ «Ադրբեջանի նկատմամբ տարածքային պահանջների առկայությունը», որը հակասում է խաղաղության պայմանագրի բովանդակությանը և ոգուն, ինչպես նաև այնպիսի կառույցների վերացման անհրաժեշտությունը, ինչպիսին է Մինսկի խումբը, որոնք կորցրել են իրենց նշանակությունը։
Նշվել է, որ Ադրբեջանն ու Մեքսիկան լայն հնարավորություններ ունեն համագործակցությունը զարգացնելու այնպիսի ոլորտներում, ինչպիսիք են տնտեսությունը, առևտուրը, էներգետիկան, մշակույթը, զբոսաշրջությունը, կրթությունը, գիտությունը, սպորտը և գյուղատնտեսությունը: Միջխորհրդարանական օրինակելի հարաբերությունների ֆոնին երկու երկրների օրենսդիր մարմիններում բարեկամության խմբերի միջև համագործակցությունը ակտիվորեն զարգանում է:
