16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Ադրբեջանի ռազմաօդային ուժերը Թուրքիայում զորավարժությունների են մասնակցել
Քաղաքականություն
05.07.2025 | 13:33
Թուրքիայի Կոնյա քաղաքում ավարտվել են «Անատոլիական արծիվ 2025» միջազգային մարտավարական զորավարժությունները։
Ադրբեջանական լրատվամիջոցները գրում են, որ 15 օր տևած զորավարժություններին մասնակցել են Ադրբեջանի ռազմաօդային ուժերի անձնակազմի 65 անդամ և երկու Սու-25 կործանիչ։
Նշվում է, որ ադրբեջանական ռազմական օդաչուները ավիաբազայից խմբային թռիչքներ են իրականացրել։
Նրանք կատարել են օդային հետախուզություն անցկացնելու, օդային գերազանցության հասնելու, պայմանական թիրախների ոչնչացման և այլ առաջադրանքներ։ Ըստ պլանի՝ «օդ-օդ» և «օդ-երկիր» առաջադրանքներ կատարելուց բացի, ադրբեջանական ռազմական օդաչուները համատեղ թռիչքներ են իրականացրել նաև Թուրքիայի ռազմաօդային ուժերի ավիացիայի անձնակազմի հետ։
Ադրբեջանից և Թուրքիայից բացի, զորավարժություններին մասնակցել են ԱՄՆ-ի, Կատարի, Հունգարիայի, Եգիպտոսի, Սաուդյան Արաբիայի, Հորդանանի ներկայացուցիչներ և ՆԱՏՕ-ի պաշտոնյաներ։
Բացի այդ` Մալայզիան, Բրազիլիան, Բուլղարիան, Մալին և Նիգերիան դիտորդի կարգավիճակով են հետևել են զորավարժություններին։
Թարգմանությունը` Էմմա Չոբանյանի
