29.04.2026 | 11:42
ՀՀ ԱԳՆ-ն հաստատում է՝ Շահին Մուստաֆաևի գլխավորած պատվիրակությունը Հայաստանում է
Բաքվում հուսով են, որ AZAL-ի օդանավի կործանման վերաբերյալ փորձաքննության արդյունքներն առաջիկայում հայտնի կդառնան
Քաղաքականություն
02.07.2025 | 17:52
Բաքուն հույս ունի, որ Ադրբեջանական ավիաուղիների (AZAL) օդանավի կործանման պատճառների փորձաքննության արդյունքներն առաջիկայում հայտնի կդառնան։ Այս մասին հայտարարել է Ադրբեջանի Գլխավոր դատախազության քննչական վարչության պետ Նեմատ Ավազովը։
Նա նշել է, որ 2024 թվականի դեկտեմբերի 25-ին Գլխավոր դատախազությունում քրեական գործ է հարուցվել AZAL-ի օդանավի կործանման դեպքի վերաբերյալ։ Դրա հետ կապված բազմաթիվ փորձաքննություններ են անցկացվել Ռուսաստանում, Ղազախստանում և Ադրբեջանում։
«Մեր համատեղ համագործակցությունը շարունակվում է, մեր աշխատակիցները գործուղվել են Ղազախստան: Հուսով ենք, որ նրանց կողմից անցկացված փորձաքննության արդյունքները հայտնի կդառնան առաջիկայում։ Շարունակում ենք մեր ջանքերը՝ փորձաքննության արդյունքները ստանալու համար»,- հավելել է Ավազովը։
Հիշեցնենք՝ ադրբեջանական լրատվամիջոցները հրապարակել են ռուս կապիտան Դմիտրի Պալադիչուկի բացատրական գրությունը, որը նկարագրել է, թե ինչպես է 2024 թվականի դեկտեմբերին Գրոզնիում անօդաչու թռչող սարքերի հարձակման ժամանակ ստացել ադրբեջանական AZAL-ի օդանավի վրա կրակ բացելու հրաման և, իր հերթին, այդ հրամանը փոխանցել օպերատորին։
2024 թվականի դեկտեմբերի 25-ին Ղազախստանի Ակտաու քաղաքի մոտակայքում վթարի էր ենթարկվել AZAL-ի J2-8243 չվերթը կատարող Embraer 190AR ուղևորատար օդանավը։ Դրանում եղել էր 67 մարդ՝ 62 ուղևոր և անձնակազմի 5 անդամ։ Վթարի հետևանքով զոհվել էր 38 մարդ, 29-ը՝ ողջ մնացել։
Թարգմանությունը՝ Էմմա Չոբանյանի
