05.12.2025 | 23:01
Եվրոպական հանձնաժողովը 120 միլիոն եվրոյով տուգանել է Իլոն Մասկի X-ին
Գեզի մաքսային տերմինալից այսօր դեպի Վերին Լարս ճանապարհ է ընկել կոնյակով բեռնված 49 մեքենա. Պապոյան
Քաղաքականություն
24.06.2025 | 23:03
Վրաստանի գործընկերների հետ երեկ տեղի ունեցած արդյունավետ բանակցությունների արդյունքում միայն այսօր վրացական Գեզի մաքսային տերմինալից դուրս է եկել և դեպի Վերին Լարս ճանապարհ է ընկել կոնյակով բեռնված 49 մեքենա։ Այս մասին գրել է ՀՀ էկոնոմիկայի նախարար Գևորգ Պապոյանը։
«Այս մեքենաները տևական ժամանակ կանգնած էին Գեզիում»,- գրել է Պապոյանը։
Հիշեցնենք՝ ՀՀ էկոնոմիկայի նախարարը և ՊԵԿ նախագահը Վրաստանում բարձր մակարդակով կայացած բանակցությունների արդյունքում պայմանավորվածություն էին ձեռք բերել օրեր առաջ Գեզի մաքսային տերմինալից բաց թողնել հայկական կոնյակով (հայկական բրենդի) բեռնված 55 բեռնատար ավտոմեքենա, ևս 72 մեքենա պետք է բաց թողնվեր առաջիկա յոթ օրվա ընթացքում, որին պետք է հաջորդի լրացուցիչ 24 մեքենայի բացթողումը։
Հիշեցնենք, որ ՊԵԿ նախագահ Էդուարդ Հակոբյանը Factor TV-ի հետ զրույցում հայկական կոնյակով բեռնված բեռնատարների՝ Վրաստան մուտքի ժամանակավորապես սահմանափակումը հոգատարություն էր համարել արտահանողների համար։
