24.08.2026 | 23:20
ՀԱՊԿ-ը Հայաստանի հետ ռազմական և ռազմատեխնիկական ոլորտներում չի համագործակցում. ՌԴ ԱԳՆ
Հայկ Սարգսյանը երեկ և այսօր․ պատգամավորը դեմ քվեարկեց իր նախագծին․ ԵզրաԿԱՑՈւԹՅՈւՆ
Քաղաքականություն
17.06.2025 | 14:40
Իշխող «Քաղաքացիական պայմանագիր» խմբակցությունն այսօր դեմ քվեարկեց գումարի դիմաց կրճատ ժամկետով ծառայության նախագծին, որի հեղինակը ՔՊ-ական Հայկ Սարգսյանն է։ Ուշագրավ է, որ նա ևս դեմ քվերակեց՝ հակառակ իր նախորդ հայտարարությունների։
Այսպես՝ ուրբաթ օրը՝ հունիսի 13-ին, երբ ԱԺ պաշտպանության և անվտանգության հարցերի հանձնաժողովում նախագիծը դրական եզրակացություն չստացավ, Հայկ Սարգսյանը Factor TV-ի հարցին ի պատասխան ասել էր, որ նախագիծը հետ չի կանչելու։ Արդեն այսօր ԱԺ լիագումար նիստին դարձյալ պնդեց, որ պետք է գնալ վճռորոշ լուծումների և հետաձգում չի լինելու։
Այս հայտարարությունից հետո ՔՊ խմբակցության ղեկավար Հայկ Կոնջորյանը հայտարարեց, որ իրենք դեմ են քվեարկելու նախագծին։ Դրանից հետո Սարգսյանն ասաց, որ ինքը ևս դեմ է քվեարկելու, քանի որ վարչապետի հորդորով դեռ աշխատելու են նախագծի վրա։
Նշենք, որ Սարգսյանի նախագծով, որում լրացումներ է արել Հայաստանի Կառավարությունը, առաջարկվում էր 24 միլիոն դրամ վճարելու դեպքում ծառայել մեկ ամիս, 18 միլիոնի դեպքում՝ 4 ամիս։ Բացի այդ, արական սեռի ներկայացուցիչները մինչև 16 տարեկան դառնալը Հայաստանի քաղաքացիությունից հրաժարվելու դիմում ներկայացնելիս պետք է վճարեն 15 միլիոն դրամ, պարտադիր զինվորական ծառայության անցնելու սահմանային առավելագույն տարիքն էլ առաջարկվում էր 27-ի փոխարեն դարձնել 32։
Մանրամասները՝ տեսանյութում։
Արփի Հակոբյան
