15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Փաշինյանը թուրք բառից չի վիրավորվում, իսկ թիմակիցը հայհոյում է. ԵզրաԿԱՑՈւԹՅՈւՆ
Հաղորդաշարեր
14.05.2025 | 19:30
«Հայաստանում որևէ մեկին ամենասուր ձևով խոցելու շատ պարզ ձև կա․ ասել՝ դու թուրք ես։ Մի մարդ, որը ձեզ հայտնի շատ հանգամանքների բերումով բավականին շատ է արժանացել այդ հասցեագրմանը, ես ինձ վիրավորելու միտում ունեցող մարդկանց ուզում եմ ուղղակի ասել, որ դրանով իրենք ինձ ամենևին չեն վիրավորում, որովհետև ես դա որպես վիրավորանք չեմ ընդունում և ընկալում»,- 2022 թվականի դեկտեմբերի 12-ին «Ընդդեմ ցեղասպանության հանցագործության» 4-րդ գլոբալ ֆորումի ժամանակ այս մասին հայտարարում էր ՀՀ վարչապետ Նիկոլ Փաշինյանը։
Մինչդեռ նրա թիմակից, ՔՊ խմբակցության պատգամավոր Արսեն Թորոսյանն այսօր Ազգային ժողովում հայհոյեց բոլոր նրանց, ովքեր իրեն ու իր թիմին «թուրք» են անվանել և կանվանեն։
«Ոմանք «թուրք» անվանելը դիտարկում են որպես հայհոյա՞նք, ճի՞շտ եմ հասկանում, և դրան հայհոյանքո՞վ են պատասխանում։ Ես էլ պաշտոնապես հայտարարում եմ` ով մեզ՝ ինձ, իմ թիմակիցներին կամ որևէ այլ մարդու կասի «թուրք» որպես հայհոյանք` նրա մե՛՛րն էլ, հե՛րն էլ, լա՛վն էլ, ընտանի՛քն էլ»,- խորհրդարանի ամբիոնից հայտարարեց Արսեն Թորոսյանը։
Մանրամասները՝ տեսանյութում։
Արփի Հակոբյան
