29.04.2026 | 19:00
«Բոլորին դեմ եմ»-ը չի խոսում անիշխանությունից, կձևավորենք պատասխանատու իշխանություն 100 օրով․ Սպարտակ Կյուրեղյան․ ՏԵՍԱՆՅՈՒԹ
Տեղեկություն չունեմ, չգիտեմ՝ ինչի մասին է․ Սեյրան Օհանյանը՝ Աննա Վարդապետյանի ներկայացրած միջնորդագրի մասին
Քաղաքականություն
09.06.2025 | 19:29
«Տեղեկություն չունեմ, չեմ ծանոթացել, չգիտեմ՝ ինչի մասին է խոսքը, որ մեկնաբանեմ»,- Factor.am-ի հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը՝ անդրադառնալով Գլխավոր դատախազ Աննա Վարդապետյանի միջնորդագրին՝ իր նկատմամբ հանրային քրեական հետապնդում հարուցելու մասին։
Ասացինք, որ, ըստ ԱԺ-ի կայքում տեղադրված միջնորդագրի, խոսքը Գեղարքունիքի մարզի Դրախտիկ համայնքի տարածքում հողատարածք ձեռք բերելու մասին է, Սեյրան Օհանյանը կրկնեց, որ գործի մասին տեղեկություն չունի, այս պահին չի կարող մեկնաբանել։
Ավելի վաղ Factor.am-ը հայտնել էր, որ Գլխավոր դատախազ Աննա Վարդապետյանը միջնորդագիր է ներկայացրել ԱԺ նախագահ Ալեն Սիմոնյանին՝ թույլ տալու հանրային քրեական հետապնդում հարուցել ԱԺ «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ:
Հավելենք նաև, որ ԱԺ նախագահ Ալեն Սիմոնյանն էլ համաձայնություն է տվել Օհանյանի և Մինասյանի նկատմամբ քրեական հետապնդում սկսելու միջնորդագրին։
Մանյա Պողոսյան
