01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
181 միլիոն դրամի աջակցություն է ցուցաբերվել Լոռու ու Տավուշի մարզերում աղետից տուժածներին․ Պապոյան. ՏԵՍԱՆՅՈՒԹ
Տնտեսություն
09.06.2025 | 12:58
Լոռու և Տավուշի մարզերում 181 միլիոն դրամի օգնություն ենք ցուցաբերել։ Այս մասին ԱԺ համատեղ հանձնաժողովների նիստում 2024 թվականի տարեկան հաշվետվության ներկայացման ժամանակ ասաց Էկոնոմիկայի նախարար Գևորգ Պապոյանը։
Նախարարի փոխանցմամբ՝ օգնությունը դեռևս շարունակվում է, քանի որ հնարավորություն են տվել որոշ տնտեսվարողների ճշգրտել իրենց փաստաթղթերը և նոր ներկայացնել իրենց: Գևորգ Պապոյանի խոսքով՝ աջակցություն է ցուցաբերվել 155 շահառուի:
«Նախարարությունը հընթացս իրականացրել է Լոռու և Տավուշի մարզերում առաջացած արտակարգ իրավիճակի հետևանքով հայտարարված աղետի գոտիների տարածքներում տնտեսվարողներին աջակցության տրամադրման միջոցառումներ, ինչը որևէ կերպ չէր պլանավորվել»,- հավելեց նախարարը։
Հիշեցնենք, որ նախորդ տարի մայիսի 26-ի տեղատարափ անձրևներից հետո Լոռու և Տավուշի մարզերում Դեբեդ, Աղստև և Տաշիր գետերի վարարման հետևանքով տուժել էր 9 համայնքի 39 բնակավայր, մահացել` 4 մարդ։
Մանրամասները՝ տեսանյութում։
Մանյա Պողոսյան
