09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
ԱՄՆ-ում կասեցրել են Հարվարդում օտարերկրյա ուսանողների ընդունելության արգելքը
Քաղաքականություն
23.05.2025 | 22:40
Դատարանը ժամանակավորապես կասեցրել է Հարվարդի համալսարանում օտարերկրացիներին ընդունելու արգելքը, որը նախաձեռնել էր ԱՄՆ կառավարությունը։ Այս մասին տեղեկացնում է Reuters-ը։
Ավելի վաղ Հարվարդի համալսարանը Դոնալդ Թրամփի վարչակազմի դեմ հայց էր ներկայացրել Բոստոնի դաշնային դատարան: Բուհում պնդում են, որ ԱՄՆ կառավարության կողմից Հարվարդին օտարերկրացի ուսանողների ընդունելության իրավունքից զրկելը խախտում է առաջին ուղղումը: Այժմ Հարվարդի համալսարանի ավելի քան 7 հազար միջազգային ուսանողներ կարող են շարունակել ուսումը ՝ չվախենալով անհապաղ արտաքսումից։
Ավելի վաղ տեղեկացրել էինք, որ ԱՄՆ նախագահ Դոնալդ Թրամփի վարչակազմն արգելել է Հարվարդի համալսարանին օտարերկրյա ուսանողների ընդունել։
Հիշեցնենք, որ ավելի վաղ Թրամփի վարչակազմը հայտարարել էր, որ դադարեցնում է Հարվարդի համալսարանին տրամադրվող 2,2 միլիարդ դոլարի դաշնային ֆինանսավորումը՝ բուհին մեղադրելով քաղաքացիական իրավունքների մասին օրենքները խախտելու և հակասեմականության դեմ բավարար չափով չպայքարելու մեջ։ Ի պատասխան՝ համալսարանը դատական հայց է ներկայացրել։
