08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
Հարվարդի համալսարանը հայց է ներկայացրել Թրամփի վարչակազմի դեմ՝ բուհի 2.2 միլիարդ դոլարի ֆինանսավորումը սառեցնելու որոշման պատճառով
Քաղաքականություն
22.04.2025 | 11:16
Հարվարդի համալսարանը դաշնային դատարան հայց է ներկայացրել ԱՄՆ նախագահ Դոնալդ Թրամփի վարչակազմի դեմ, որը սառեցրել է համալսարանի ծրագրերի համար նախատեսված 2,2 միլիարդ դոլարի պետական ֆինանսավորումը։ Բուհը կարծում է, որ Սպիտակ տան փորձը՝ զրկելու համալսարանը դաշնային դրամաշնորհներից և պայմանագրերից Թրամփի վարչակազմի կողմից ներկայացված մի շարք պահանջները չկատարելու դեպքում, անօրինական է, փոխանցում է Current time-ը։
Համալսարանը հայցով խնդրում է թույլ չտալ, որ դաշնային ֆինանսավորումը սառեցնելու մասին հրամանագիրն ուժի մեջ մտնի։ Բուհը որոշումը որակում է «անօրինական և կառավարության լիազորություններից դուրս»։ Այն մեղադրում է Թրամփի վարչակազմին Սահմանադրության առաջին փոփոխությունը, դաշնային օրենքները խախտելու մեջ և զգուշացնում, որ կառավարության ֆինանսավորման կորուստը բացասաբար կանդրադառնա բժշկական հետազոտությունների և նոր դեղերի մշակման վրա։
Ավելի վաղ Թրամփի վարչակազմը հայտարարել էր, որ դադարեցնում է Հարվարդի համալսարանին տրամադրվող 2,2 միլիարդ դոլարի դաշնային ֆինանսավորումը՝ բուհին մեղադրելով քաղաքացիական իրավունքների մասին օրենքները խախտելու և հակասեմականության դեմ բավարար չափով չպայքարելու մեջ։ Պահանջվել է, որ Հարվարդի ղեկավարությունը լուրջ բարեփոխումներ իրականացնի ուսանողների ընդունելության, համալսարանի կառավարման և, այսպես կոչված, դրական խտրականության մերժման մեջ՝ ֆինանսավորման վերականգնման դիմաց։
Համալսարանի նախագահ Ալան Գարբերը հայտարարել է, որ հրաժարվում է կատարել պահանջները։ Ավելի ուշ տեղեկություններ տարածվեցին ևս 1 միլիարդ դոլարի հնարավոր սառեցման և համալսարանին ոչ առևտրային կազմակերպության կարգավիճակից զրկելու մասին, որը նրան ազատում է դաշնային հարկերի վճարումից։
«Կառավարությունը չի կարողացել ցույց տալ հակասեմականության վերաբերյալ մտահոգությունների և բժշկական, գիտական ու այլ հետազոտությունների միջև ռացիոնալ կապը, որոնք սառեցվելու են։ Այս հետազոտությունները նպատակ ունեն փրկել ամերիկացիների կյանքերը, պահպանել Ամերիկայի անվտանգությունը և պահպանել Ամերիկայի՝ որպես նորարարության առաջատարի դերը»,- ասվում է բուհի դատական հայցում։
Թարգմանությունը՝ Էմմա Չոբանյանի
