29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Վաղարշապատ համայնքի ղեկավար Դիանա Գասպարյանը հրաժեշտ է տվել աշխատակազմին
Քաղաքականություն
16.05.2025 | 12:08
Վաղարշապատի համայնքապետարանից հայտնում են, որ համայնքի ղեկավար տիկին Դիանա Գասպարյանը հրաժեշտ է տվել աշխատակազմին:
«Տիկին Դիանա Գասպարյանը, որը շուրջ յոթ տարի ղեկավարել է համայնքը, պաշտոնապես հրաժեշտ տվեց աշխատակազմին։
Նրա ղեկավարման տարիներին համայնքն ընդլայնել է արտաքին կապերը՝ ստեղծելով համագործակցության նոր հարթակներ` տեղական և միջազգային մակարդակում, իրականացվել են մի շարք ծրագրեր, կյանքի են կոչվել համայնքային զարգացման ռազմավարական նախագծերը։
Համայնքի ղեկավարը շնորհակալություն է հայտնել աշխտակազմին այս տարիների համագործակցության, ներդրած ջանքերի համար, հորդորել ամեն աշխատանքային օրը նվիրել համայնքի զարգացման տեսլականը կյանքի կոչելուն ուղղված քայլերին»,- ասված է հաղորդագրությունում։
Հիշեցնենք, որ նախօրեին Դիանա Գասպարյանը գրառմամբ տեղեկացրել էր, որ պատրաստվում է թողնել զբաղեցրած պաշտոնը՝ անձնական նկատառումներից ելնելով։
