07.10.2026 | 20:10
«Գոնե իշմար տվեք՝ իմանանք»․ Փաշինյանի ժեստը ծիծաղ առաջացրեց ԱԺ դահլիճում. ՏԵՍԱՆՅՈՒԹ
Պեսկովը հաստատել է, որ Պուտինը չի մասնակցի Թուրքիայում կայանալիք բանակցություններին
Քաղաքականություն
15.05.2025 | 14:45
Ռուսաստանի նախագահ Վլադիմիր Պուտինը չի մասնակցի Ստամբուլում կայանալիք ռուս-ուկրաինական բանակցություններին։ Այս մասին CNN-ին ասել է ՌԴ նախագահի մամուլի քարտուղար Դմիտրի Պեսկովը, գրում է Meduza-ն։
Հարցին՝ հնարավո՞ր է, որ Պուտինը մասնակցի բանակցություններին, Պեսկովը պատասխանել է․ «Ո՛չ»։
Ավելի վաղ լրագրողների հետ ճեպազրույցում նա ասել էր, որ մայիսի 14-ի երեկոյան Պուտինը խորհրդակցություն է անցկացրել՝ բանակցություններին նախապատրաստվելու համար։ Բանակցային խմբի անդամներից բացի՝ հանդիպմանը մասնակցել են նաև արտգործնախարար Սերգեյ Լավրովը, պաշտպանության նախարար Անդրեյ Բելոուսովը, Ռոսգվարդիայի ղեկավար Վիկտոր Զոլոտովը, Անվտանգության խորհրդի քարտուղար Սերգեյ Շոյգուն, Գլխավոր շտաբի պետ Վալերի Գերասիմովը և ԱԴԾ ղեկավար Ալեքսանդր Բորտնիկովը։
Հիշեցնենք, որ Ռուսաստանի և Ուկրաինայի միջև ուղիղ բանակցություններ են սպասվում մայիսի 15-ին Ստամբուլում։ Ուկրաինայի նախագահ Վլադիմիր Զելենսկին հայտարարել էր, որ պատրաստ է հանդիպել միայն ՌԴ նախագահ Վլադիմիր Պուտինի հետ։ Սակայն նախօրեից դեռևս պարզ էր, որ Ռուսաստանի նախագահը չի մեկնի Թուրքիա։ Մայիսի 14-ի ուշ երեկոյան Պուտինը հրամանագիր էր ստորագրել, որի համաձայն՝ ռուսական պատվիրակությունը կգլխավորի իր օգնական Վլադիմիր Մեդինսկին։
Թարգմանությունը՝ Էմմա Չոբանյանի
