10.08.2026 | 17:24
Բանավեճ Էդգար Ղազարյանի ու Վիլեն Գաբիելյանի միջև. ՏԵՍԱՆՅՈՒԹ
Մոսկվայում հուսով են, որ Բաքվում «Ռուսական տան» հարցը կկարգավորվի Պուտինի և Ալիևի հանդիպման ժամանակ
Քաղաքականություն
17.04.2025 | 21:46
«Ռոսսոտրուդնիչեստվո»-ն հույս ունի, որ Բաքվի «Ռուսական տան» հետ կապված իրավիճակը կկարգավորվի Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի անձնական հանդիպման ժամանակ։ Այս մասին ՌԻԱ Նովոստիին ասել է գործակալության ղեկավարի տեղակալ Պավել Շևցովը։
Նա նշել է, որ Ռուսաստանի ԱԳՆ-ն և «Ռոսսոտրուդնիչեստվո»-ն աշխատում են ադրբեջանական կողմի դիրքորոշման և, ընդհանուր առմամբ, «Ռուսական տան» շուրջ ստեղծված իրավիճակի պարզաբանման ուղղությամբ։
«Ռոսսոտրուդնիչեստվո»-ի ղեկավար Եվգենի Պրիմակովն ավելի վաղ հայտարարել էր, որ ՌԴ-ն և Ադրբեջանը փոխզիջումային լուծում են փնտրում Բաքվի «Ռուսական տան» գործունեության հետ կապված։
Հիշեցնենք, որ Ադրբեջանի իշխանությունները, ՌԴ-ի հետ հարաբերությունների լարվածության ֆոնին, փակել են Բաքվի «Ռուսական տունը»։
Հավելենք, որ Պուտինն Ալիևին հրավիրվել է մասնակցելու Մոսկվայում մայիսի 9-ին կայանալիք Երկրորդ համաշխարհային պատերազմում հաղթանակի 80-ամյակին նվիրված միջոցառումներին։ Ադրբեջանական կողմը դեռևս չի հաստատել Ալիևի մասնակցությունը։
Թարգմանությունը՝ Էմմա Չոբանյանի
