30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ՌԴ-ն ու Ադրբեջանը փոխզիջումային լուծում են փնտրում Բաքվի «Ռուսական տան» գործունեության հետ կապված
Քաղաքականություն
07.04.2025 | 16:36
Մոսկվան և Բաքուն փոխզիջում են փնտրում Ադրբեջանում «Ռուսական տան» հետ կապված, բոլորը կառուցողական են տրամադրված և լավատես են, որ աշխատանքը կվերականգնվի։ Այս մասին հայտարարել է Ռոսսոտրուդնիչեստվոյի ղեկավար Եվգենի Պրիմակովը, գրում է ՌԻԱ Նովոստին։
«Մենք շարունակում ենք ադրբեջանական կողմի հետ փոխզիջում փնտրել։ Ե՛վ ադրբեջանական կողմը, և՛ մենք կառուցողական ենք տրամադրված ու բավականին լավատեսորեն, որ մենք, ամեն դեպքում, կգտնենք փոխզիջում և լայնածվալ աշխատանքները կվերականգնվեն»,- ասել է Պրիմակովը։
Նա հավելել է, որ Ռուսաստանն ու Ադրբեջանը նախկինում քննարկել են «Ռուսական տան» գրանցման ձևաչափը՝ որպես իրավաբանական անձ կամ ՀԿ։
««Ռուսական տունը» Բաքվում երկար տարիներ հաջողությամբ աշխատել է՝ կատարելով բոլոր անհրաժեշտ պարտավորությունները, այդ թվում՝ իրավաբանական։ Այնուամենայնիվ, 1997 թվականի տեղեկատվական և մշակութային կենտրոնների գործունեության մասին միջկառավարական համաձայնագրում հստակ նշված է, որ այս կենտրոնը պետք է գրանցվի որպես իրավաբանական անձ Ադրբեջանում»,- նշել է Պրիմակովը։
Հիշեցնենք, որ Ադրբեջանի իշխանությունները, ՌԴ-ի հետ հարաբերությունների լարվածության ֆոնին, փակել են Բաքվի «Ռուսական տունը»։
Թարգմանությունը՝ Էմմա Չոբանյանի
