16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իրանը հայտարարել է, որ արտաքին սպառնալիքները կարող են հանգեցնել երկրից ՄԱԳԱՏԷ-ի տեսուչների վտարմանը
Քաղաքականություն
10.04.2025 | 16:43
Իրանը կարող է դադարեցնել համագործակցությունը ՄԱԿ-ի միջուկային գործակալության հետ, եթե արտաքին սպառնալիքները շարունակվեն: Այս մասին հայտարարել է Իրանի գերագույն առաջնորդ Ալի Խամենեի խորհրդականը՝ այն բանից հետո, երբ ԱՄՆ նախագահ Դոնալդ Թրամփը կրկին զգուշացրել էր ռազմական ուժի կիրառման մասին, գրում է Al Arabiya-ն՝ վկայակոչելով Reuters-ին։
«Շարունակական արտաքին սպառնալիքները և Իրանին ռազմական հարձակման պայմաններում դնելը կարող են հանգեցնել զսպող միջոցառումների, ինչպիսիք են Ատոմային էներգիայի միջազգային գործակալության տեսուչների արտաքսումը և նրա հետ համագործակցության դադարեցումը»,- X-ում գրել է Ալի Խամենեիի խորհրդական Ալի Շամխանին՝ նշելով, որ «Իրանում հարստացված նյութերը անվտանգ և չբացահայտված վայրեր տեղափոխումը նույնպես կարող է օրակարգում լինել»։
Հավելենք, որ ԱՄՆ նախագահ Դոնալդ Թրամփը նախօրեին հայտարարել էր, որ Իրանի դեմ հնարավոր ռազմական հարվածի «առաջնորդը» կլինի Իսրայելը, եթե Թեհրանը չհրաժարվի իր միջուկային զենքի ծրագրից։
Թարգմանությունը՝ Էմմա Չոբանյանի
