10.05.2025 | 19:00
«Նաղդ շահույթի»արշավանքը խժռում է Երևանը, «քյարը» ստանան, հետո պետք լինի`կփախչեն. Գևորգ Տեր-Գաբրիելյան. ՏԵՍԱՆՅՈՒԹ
Ալիևը հայտարարել է, թե Իրանի հետ պայմանավորվել են «ՀՀ-ն շրջանցող ճանապարհ կառուցել»
Քաղաքականություն
10.04.2025 | 12:48
Իրանական կողմի հետ քննարկվող նախագծերից մեկը Հայաստանը շրջանցող տրանսպորտային կապի կառուցումն է, որը Նախիջևանն Իրանի միջոցով կկապի Ադրբեջանի հիմնական տարածքի հետ։ Այս մասին հայտարարել է Ադրբեջանի նախագահ Իլհամ Ալիևը։
«Շրջանցիկ ավտոճանապարհն արդեն կառուցվում է։ Մենք հիմա կամուրջ ենք կառուցում, իսկ շրջանցիկ երկաթուղու կառուցումը հարց է, որը պահանջում է Իրանի և Ադրբեջանի համաձայնությունը, քանի որ Հայաստանը փակում է մեր մուտքը Նախիջևան։ Մենք չենք կարող նստել և սպասել։ Եվ այսպես, մենք պայմանավորվել ենք, որ կկառուցենք շրջանցիկ ճանապարհ, իսկ Հայաստանը կշարունակի մնալ փակուղում»,- ասել է Ալիևը։
Նա նաև նշել է, թե այս ամիս սպասում են Իրանի նախագահ Մասուդ Փեզեշքիանի Ադրբեջան այցին։
«Մենք այս այցը համարում ենք չափազանց կարևոր երկկողմ հարաբերությունների ապագա զարգացման և տարածաշրջանում ստեղծված իրավիճակի համար։ Վերջին ամիսներին երկու երկրների բարձրաստիճան պաշտոնյաների մի քանի այցելություններ են եղել։ Մենք ցանկանում ենք բարիդրացիական հարաբերություններ կառուցել մեր բոլոր հարևանների, այդ թվում՝ Իրանի հետ»,- ասել է Ադրբեջանի նախագահը։
Թարգմանությունը՝ Էմմա Չոբանյանի
