16.10.2026 | 20:43
Լեոնարդո Դի Կապրիոն աջակցություն է հայտնել Երևանում մեկնարկած բնապահպանական նախաձեռնությանը. նախարար
Իշխանության զավթման մեջ մեղադրվող Ալիևի աշխատակազմի նախկին ղեկավարը հեռացվել է Ադրբեջանի իշխող կուսակցությունից
Քաղաքականություն
16.10.2026 | 20:14
Ադրբեջանի նախագահ Իլհամ Ալիևի աշխատակազմի նախկին ղեկավար Ռամիզ Մեհիդևը, որը ներկայում տնային կալանքի տակ է և մեղադրվում է ծանր հանցագործությունների, այդ թվում՝ պետական դավաճանության մեջ, հեռացվել է իշխող «Նոր Ադրբեջան» կուսակցությունից։
Ադրբեջանական լրատվամիջոցները հայտնում են, որ այսօր տեղի է ունեցել կուսակցության վարչության նիստը, որի որոշմամբ՝ Ռամիզ Մեհդիևը հեռացվել է կուսակցությունից։ Հաղորդվում է նաև, որ կուսակցությունն առաջարկել է նրան զրկել պարգևներից։
Հավելենք, որ Մեհդիևը մեղադրվում է պետական դավաճանության, իշխանությունը բռնի զավթելուն ուղղված գործողությունների, առանձնապես խոշոր չափերով կաշառք ստանալու և հանցավոր ճանապարհով ձեռք բերված գույքի օրինականացման մեջ։
Ռամիզ Մեհդիևը երկար տարիներ զբաղեցրել է Ադրբեջանի պետական կառավարման համակարգի բարձրագույն պաշտոններից մեկը։ 1995 թվականից մինչև 2019 թվականը՝ շուրջ 25 տարի, նա ղեկավարել է նախագահի աշխատակազմը։ Նա այս պաշտոնից ազատվել է 2019 թվականի հոկտեմբերի 23-ին՝ նախագահ Իլհամ Ալիևի հրամանագրով։
Թարգմանությունը՝ Էմմա Չոբանյանի
