06.11.2026 | 16:29
Թուրքիայի խորհրդարանը հաստատել է Պակիստանի և Սաուդյան Արաբիայի հետ պաշտպանական համաձայնագիրը
Factor TV-ի լրագրողն արժանացել է «Լավագույն հոդված» մրցանակին
16.10.2026 | 21:51
Factor.am-ի «21-րդ դարի նավթի» հետքեր՝ Հայաստանում․ ԱՄՆ-ն հետաքրքրված է հազվագյուտ մետաղներով» հրապարակումը հաղթող է ճանաչվել «Հանքարդյունաբերություն 2026» լրագրողական մրցույթի «Լավագույն հոդված» անվանակարգում։ Հեղինակը Գայանե Խաչատրյանն է։
Հանքարդյունաբերության ամենամյա համաժողովի շրջանակներում լրագրողական մրցանակներ շնորհվեցին նաև «Լավագույն հեռուստատեսանյութ», «Լավագույն տեսանյութ», «Լավագույն վերլուծություն», «Հատուկ» անվանակարգերում և ոլորտն ակտիվորեն լուսաբանելու համար։ Տնտեսական լրագրողների ակումբի նախագահ Աննա Բաղդասարյանը հսյտնեց, որ մրցույթին ներկայացվել է 100-ից ավելի լրագրողական աշխատանք։ Հայաստանի հանքարդյունաբերության և մետալուրգիայի ասոցիացիայի փոխնախագահ Սուսաննա Մարտիրոսյանը շնորհակալություն հայտնեց լրագրողներին՝ հանքարդյունաբերության ոլորտն ավելի թափանցիկ դարձնելու համար։
Նշենք, որ լրագրողական նյութերի ամենամյա մրցույթը կազմակերպել էին Տնտեսական լրագրողների ակումբը, «Mining Armenia Forum» հիմնադրամն ու Հայաստանի հանքարդյունաբերության և մետալուրգիայի ասոցիացիան։
