Քաղաքականություն
07.04.2025 | 21:45
Թուրքիայի արդարադատության նախարար Յըլմազ Թունջը կտրականապես մերժել է ընդդիմության առաջնորդ Օզգուր Օզելի պնդումները, որը ենթադրություն էր հայտնել, թե ԱՄՆ նախագահ Դոնալդ Թրամփը տեղյակ է եղել Ստամբուլի քաղաքապետ Էքրեմ Իմամօղլուի ձերբակալության հնարավորության մասին՝ նախքան դա տեղի ունենալը, գրում է Turkiye today-ը։
Թունջը դա «անհեթեթ» և «լիովին անհիմն» է անվանել։ Նա ընդգծել է, որ նման պնդումը չի կարող ճիշտ լինել։ Թուրք նախարարը կտրականապես մերժել է ընդդիմության պնդումները՝ «վերահաստատելով Թուրքիայի դատական համակարգի անկախությունը և հերքելով այդ հարցում օտարերկրյա ցանկացած մասնակցություն»։
Հիշեցնենք, որ Թուրքիայի ընդդիմադիր Ժողովրդահանրապետական կուսակցության (CHP) նախագահ Օզգուր Օզելը հայտարարել էր, որ Իմամօղլուի ձերբակալության թույլտվությունը տրամադրվել է ԱՄՆ-ից։
Թարգմանությունը՝ Էմմա Չոբանյանի
