Քաղաքականություն
11.03.2025 | 12:51
Թուրքիայի նախագահ Ռեջեփ Թայիփ Էրդողանը հայտարարել է, որ մարտի 5-ին Անկարայում Ադրբեջանի նախագահ Իլհամ Ալիևի հետ հանդիպմանը քննարկել են նաև Հայաստանի հետ խաղաղության բանակցությունները։
«Մարտի 5-ին Ադրբեջանի նախագահ պարոն Ալիևի այցի ժամանակ բացեցինք Իգդիր-Նախիջևան գազատարը։ Խողովակաշարի շնորհիվ մենք ամբողջությամբ կբավարարենք Նախիջևանի բնական գազի կարիքները առնվազն 30 տարի։ Մենք խորհրդակցել ենք նաև իմ եղբոր՝ Իլհամի հետ շատ կարևոր հարցերի շուրջ, հատկապես Հայաստանի հետ խաղաղ բանակցությունների շուրջ»,- ասել է Թուրքիայի նախագահը։
Հիշեցնենք, որ գազատարի բացման արարողությանն ունեցած ելույթում Էրդողանը հայտարարել էր, որ Թուրքիան և Ադրբեջանը տարածաշրջանում խաղաղության կողմնակից են։
Թարգմանությունը՝ Էմմա Չոբանյանի
