30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Բաքուն վերանայում է ՄԱԿ-ի կառույցների հետ համագործակցությունը․ Բայրամովը ներկայացրել է փոփոխությունները
Քաղաքականություն
04.03.2025 | 13:23
Բաքուն վերանայում է ՄԱԿ-ի կառույցների հետ աշխատանքը, ներկայացվել է Ադրբեջանի և ՄԱԿ-ի գործակալությունների համագործակցության նոր մոդելը։ Այս մասին հայտարարել է Ադրբեջանի ԱԳ նախարար Ջեյհուն Բայրամովը ՄԱԿ-ի Զարգացման համակարգման գրասենյակի Եվրոպայի և Կենտրոնական Ասիայի տարածաշրջանային տնօրեն Կվի-Յոպ Սոնի հետ հանդիպման ժամանակ։
Բայրամովն ասել է, որ Ադրբեջանը վերանայել է ՄԱԿ-ի հետ համագործակցության առաջնահերթությունները՝ նոր ժամանակաշրջանի իրողություններին համապատասխան և ՄԱԿ-ի ռեսուրսներն առավել արդյունավետ օգտագործելու նպատակով։ Այս առումով նշվել է, որ ՄԱԿ-ի որոշ գործակալությունների հետ հետագա համագործակցությունը կշարունակվի նախագծային համագործակցության մեխանիզմների միջոցով, որոնք համահունչ են ազգային առաջնահերթություններին:
«Հաշվի առնելով, որ Ադրբեջանը դարձել է երկիր, որը ոչ միայն օգնություն է ստանում, այլև գլոբալ օրակարգում ներդրում է անում, ՄԱԿ-ի հետ համագործակցության շրջանակում, ժամանակի պահանջներին համապատասխան, առաջնահերթություն է տրվելու ՄԱԿ-ի այնպիսի գործակալությունների հետ աշխատանքին, ինչպիսիք են քաղաքաշինական ծրագիրը, բնապահպանական ծրագիրը, Կլիմայի փոփոխության շրջանակային կոնվենցիայի քարտուղարություն և այլ համապատասխան կազմակերպությունները: Նշվել է նաև, որ ՄԱԿ-ի որոշ գործակալությունների հետ ապագա համագործակցությունը կշարունակվի այս մոդելի հիման վրա՝ գլխավոր գրասենյակների հետ անմիջական աշխատանքով»,-ասվում է Ադրբեջանի ԱԳՆ-ի տարածած հաղորդագրությունում։
Ավելի վաղ ադրբեջանական իշխանամերձ լրատվամիջոցները հայտնել էին, որ Ադրբեջանի իշխանությունները ցանկանում են երկրում դադարեցնել ՄԱԿ-ի զարգացման ծրագրի, (ՄԱԶԾ), ՄԱԿ-ի Փախստականների հարցերով գործակալության (ՄԱԿՓՀԳ) և Կարմիր Խաչի միջազգային կոմիտեի (ԿԽՄԿ) գործունեությունը։
Թարգմանությունը՝ Էմմա Չոբանյանի
