06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Բաքուն ցանկանում է փակել Կարմիր խաչի և ՄԱԿ-ի մի շարք կառույցների գրասենյակներն Ադրբեջանում
Քաղաքականություն
03.03.2025 | 11:48
Ադրբեջանի իշխանությունները ցանկանում են երկրում դադարեցնել ՄԱԿ-ի զարգացման ծրագրի, (ՄԱԶԾ), ՄԱԿ-ի Փախստականների հարցերով գործակալության (ՄԱԿՓՀԳ) և Կարմիր Խաչի միջազգային կոմիտեի (ԿԽՄԿ) գործունեությունը։ Այս մասին գրում է ադրբեջանական իշխանամերձ Caliber.az-ը։
Լրատվամիջոցը նշում է, թե, իբր, Ադրբեջանը ինքնաբավ երկիր ու արտաքին օգնության կարիք չունի, նաև հավելում, որ Caliber.Az-ի տրամադրության տակ եղած տեղեկության համաձայն՝ այդ կառույցների Բաքվի գրասենյակներին արդեն ծանուցվել է համագործակցության ձևաչափի վերանայման անհրաժեշտության մասին։ Ավելին, նրանց ասվել է, որ պետք է հեռանան Ադրբեջանից։
Ադրբեջանական իշխանական ռեսուրսը շարունակում է Կարմիր խաչի դեմ դեռևս Արցախյան 44-օրյա պատերազմից հետո սկսված Բաքվի քարոզչական արշավը։
Նշվում է, թե, իբր, «ադրբեջանական կողմը լուրջ կասկածներ ուներ 44-օրյա պատերազմի ընթացքում ադրբեջանական բանակի դեմ ԿԽՄԿ-ի թշնամական, մասնավորապես, հետախուզական գործունեության վերաբերյալ։ Եղել են դեպքեր, երբ ԿԽՄԿ մեքենաներով զենք ու զինամթերք են տեղափոխել հայերին»։
ՄԱԿ-ի Զարգացման ծրագրի հետ կապված էլ նշվում է, թե ՄԱԶԾ-ի ներքին աուդիտի և հետաքննության վարչությունն աուդիտ է անցկացրել Ադրբեջանում կազմակերպության ներկայացուցչությունում, որի արդյունքներով հայտնաբերվել են կոռուպցիայի հետ կապված լուրջ խախտումներ։
Թարգմանությունը՝ Էմմա Չոբանյանի
