30.04.2026 | 12:41
Կարս-Գյումրի երկաթուղին կամրապնդի տարածաշրջանային կապը, օգուտներ կբերի ամբողջ Հարավային Կովկասին. ԵՄ
Ադրբեջանն ուսումնասիրում է՝ այն Հայաստանո՞վ, թե՞ Իրանով կանցնի․ Թուրքիայի տրանսպորտի նախարարը՝ այսպես կոչված, «Զանգեզուրի միջանցքի» մասին
Քաղաքականություն
12.02.2025 | 11:25
Մենք կարևորում ենք Ադրբեջանի և Հայաստանի միջև լարվածության անհապաղ դադարեցումը, բանակցությունները և, իհարկե, խաղաղությունը։ Այս մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն CNN TURK-ին տված հարցազրույցում։
Հարցին՝ ի՞նչ իրավիճակ է, այսպես կոչված, «Զանգեզուրի միջանցքի» հետ կապված, թուրք պաշտոնյան պաասխանել է․ «Մեզ համար արժեքավոր քննարկումները շարունակվում են։ Իհարկե, մենք պետք է հաշվի առնենք երկրների ազգային անվտանգությունը։ Այս մասին խոսում են Ադրբեջանն ու Հայաստանը»։
Նա հավելել է, որ կա նաև իրանական տարբերակը։
«Կա նաև Իրանի այլընտրանքը, և այն դրված է սեղանին։ Ամեն դեպքում, այդ միջանցքը կիրականացվի։ Բայց մեր ադրբեջանցի եղբայրներն ուսումնասիրում են՝ այն Հայաստանի՞, թե՞ Իրանի տարածքով կանցնի։ Մենք ևս հետևում ենք գործընթացին»,- ասել է նա։
Թարգմանությունը՝ Էմմա Չոբանյանի
