07.10.2026 | 11:12
«Արմավիր» ՔԿՀ-ում դրոնով 6 բջջային հեռախոս է փորձ արվել փոխանցել
Թուրքիայի ԿԲ-ն բարձրացրել է տարեվերջյան գնաճի կանխատեսումը
Քաղաքականություն
07.02.2025 | 21:00
Թուրքիայի Կենտրոնական բանկը ուրբաթ գնաճի կանխատեսումը 21 տոկոսից հասցրել է 24 տոկոսի, գրում է AFP-ն։
2019 թվականից ի վեր Թուրքիան երկնիշ գնաճ է ունի, ինչը միլիոնավոր մարդկանց կյանքն ավելի է թանկացրել։
Ելույթ ունենալով Ստամբուլում 2025 թվականի գնաճի հաշվետվության վերաբերյալ ճեպազրույցում՝ ԿԲ ղեկավար Ֆաթիհ Քարահանն ասել է, որ գնաճի կանխատեսումը 2026 թվականի համար սահմանվել է 12 տոկոս, իսկ 2027 թվականի համար՝ 8 տոկոս: Նա նշել է, որ այս տարվա համար գնաճի կանխատեսման վերանայումը Թուրքիայի դրամավարկային քաղաքականության դիրքորոշման թուլացում չի ազդարարում։
Անցյալ ամիս բանկը նվազեցրել էր հիմնական տոկոսադրույքը մինչև 45 տոկոսի: Սա տեղի էր ունեցել այն բանից հետո, երբ Կենտրոնական բանկը երկու տարվա ընթացքում առաջին անգամ նվազեցրել էր իր տոկոսադրույքը դեկտեմբերին՝ ասելով, որ բարձր գնաճը մեղմելու ջանքերը սկսում են արդյունք տալ:
Թուրքիայի տարեկան գնաճը, պաշտոնական տվյալներով, հունվարին դանդաղել է ութերորդ ամիսն անընդմեջ՝ հասնելով 42,1 տոկոսի։
Թարգմանությունը՝ Էմմա Չոբանյանի
