10.08.2026 | 10:10
Ուկրաինական ԱԹՍ-ները հարվածել են Նիժնեկամսկին․ թիրախը, հավանաբար, «Նիժնեկամսկնեֆտեխիմ» գործարանն է եղել
Ադրբեջանից Ուկրաինա մարդասիրական օգնության հերթական խմբաքանակն է ուղարկվել
Քաղաքականություն
07.02.2025 | 14:35
Ադրբեջանից Ուկրաինա է ուղարկվել մարդասիրական օգնության հերթական խմբաքանակը։ Ադրբեջանական լրատվամիջոցների հաղորդմամբ՝ էլեկտրատեխնիկական սարքավորումներով բեռն ուղարկվել է Սումգայիթի տեխնոլոգիական պարկի տարածքից։
Հիշեցնենք, որ այս նպատակի համար օրերս, Ադրբեջանի նախագահ Իլհամ Ալիևի հրամանագրով, երկրի Էներգետիկայի նախարարությանը 1 մլն դոլարին համարժեք մանաթ էր հատկացվել նախագահական պահուստային ֆոնդից՝ Ուկրաինային մարդասիրական օգնություն ցուցաբերելու նպատակով Ադրբեջանում արտադրված էլեկտրատեխնիկական սարքավորումներ գնելու և ուղարկելու համար։
Ըստ ադրբեջանական աղբյուրների՝ Ադրբեջանի կողմից Ուկրաինային տրամադրված վերակառուցման և մարդասիրական օգնության ընդհանուր ծավալը գերազանցել է 40 մլն դոլարը։ Մինչև 2025 թվականը Ուկրաինա է մատակարարվել մոտ 120 տրանսֆորմատոր և ամբողջական տրանսֆորմատորային ենթակայան, մոտ 70 գեներատոր, ինչպես նաև ավելի քան 3,3 միլիոն մետր մալուխներ և լարեր։
Թարգմանությունը՝ Էմմա Չոբանյանի
