13.01.2026 | 15:44
«Այաչոյի» նախկին նախագահը սպանվել է մոր հուղարկավորության ժամանակ
Ադրբեջանը 1 մլն դոլարի մարդասիրական օգնություն կցուցաբերի Ուկրաինային
Քաղաքականություն
05.02.2025 | 22:26
Ադրբեջանի նախագահ Իլհամ Ալիևը կարգադրություն է ստորագրել՝ երկրի Էներգետիկայի նախարարությանը Ուկրաինային մարդասիրական օգնություն տրամադրելու համար միջոցներ հատկացնելու մասին։
Ադրբեջանական լրատվամիջոցների հաղորդմամբ՝ փաստաթղթում ասվում է, որ Ադրբեջանի և Ուկրաինայի միջև հարաբերությունները զարգանում են բարեկամության և գործընկերության հիման վրա՝ հիմնվելով համապատասխան երկկողմ փաստաթղթերի, այդ թվում՝ «Ադրբեջանի և Ուկրաինայի միջև բարեկամության, համագործակցության և գործընկերության մասին» 2000 թվականի մարտի 16-ի պայմանագրի, 2008-ի մայիսի 22-ի «Ադրբեջանի Հանրապետության և Ուկրաինայի միջև բարեկամության և ռազմավարական գործընկերության մասին հռչակագրի» և 2022 թվականի հունվարի 14-ի «Ադրբեջանի Հանրապետության Նախագահի և Ուկրաինայի Նախագահի համատեղ հռչակագրի» վրա:
Ադրբեջանի Էներգետիկայի նախարարությանը 1 մլն դոլարին համարժեք մանաթ է հատկացվել նախագահի պահուստային ֆոնդից՝ Ուկրաինային մարդասիրական օգնություն ցուցաբերելու նպատակով Ադրբեջանում արտադրված էլեկտրատեխնիկական սարքավորումներ գնելու և ուղարկելու համար։
Թարգմանությունը՝ Էմմա Չոբանյանի
