20.02.2026 | 18:16
Մտածում եմ` արժի՞ էրեխուս բերեմ ստեղ, անվստահության մթնոլորտ է. 143 մանկապարտեզի սանի ծնող․ ՏԵՍԱՆՅՈՒԹ
Բայդեն-Բլինքեն վարչակազմի օրոք Վաշինգտոնը կանխակալ է վերաբերվել Ադրբեջանին․ Ալիև
Քաղաքականություն
22.01.2025 | 20:53
Ադրբեջանի նախագահ Իլհամ Ալիևը Դավոսում Համաշխարհային տնտեսական համաժողովի շրջանակում հանդիպել է ԱՄՆ քրիստոնյա առաջնորդների կոնգրեսի ղեկավար Ջոնի Մուրի հետ։ Հանդիպմանը մտքեր են փոխանակվել Դոնալդ Թրամփի նախագահության ընթացքում ադրբեջանա-ամերիկյան հարաբերությունների դրական հեռանկարների շուրջ։
Ալիևը կրկին դժգոհել է ԱՄՆ նախկին նախագահ Ջո Բայդենից։ Նա նշել է, թե «Բայդեն-Բլինքեն վարչակազմի օրոք ԱՄՆ-ը կանխակալ վերաբերմունք է ցուցաբերել Ադրբեջանի նկատմամբ, ինչի արդյունքում երկկողմ հարաբերությունները հայտնվել են ճգնաժամի մեջ»։
Ալիևը 907-րդ փոփոխության վերադարձը գնահատել է որպես Բայդեն-Բլինքեն վարչակազմի «ապերաշտության դրսևորում»։
Զրույցի ընթացքում քննարկվել է Ադրբեջանի և Թրամփի վարչակազմի հետագա կապերի հարցը։
Հիշեցնենք, որ նախօրեին Ալիևը ԱՄՆ նորընտիր նախագահ Դոնալդ Թրամփին շնորհավորական նամակ էր հղել։
Թարգմանությունը՝ Էմմա Չոբանյանի
