25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Մակրոնը կոչ է արել չակնկալել ուկրաինական պատերազմի արագ ավարտ
Քաղաքականություն
21.01.2025 | 14:27
Ուկրաինայում պատերազմը «չի ավարտվի վաղը կամ մյուս օրը», հայտարարել է Ֆրանսիայի նախագահ Էմանուել Մակրոնը Ֆրանսիայի զինված ուժերին ուղղված ուղերձում։ Նրա խոսքով` այժմ Արևմուտքի հիմնական խնդիրն է «ապահովել, որ Ուկրաինան ունենա գոյատևելու միջոցներ և ապագա բանակցություններ վարելու կարողություն ուժի դիրքերից»: Նա նաև ընդգծել է Ուկրաինայի համար անվտանգության երկարաժամկետ երաշխիքների կարևորությունը:
«Երբ մարտերը դադարեն, անհրաժեշտ կլինի երաշխավորել, որ պատերազմը չի վերադառնա ուկրաինական տարածք»:
Այդ միջոցները, Մակրոնի կարծիքով, ոչ միայն երաշխիք կդառնան Կիևի համար, այլև կայունության հիմք ողջ Եվրոպայում։ «Եվրոպայում խաղաղությունն ու անվտանգությունը անհնար է առանց եվրոպացիների և նրանց միջև բանակցությունների», – Մակրոնի խոսքերն է մեջբերում BFMTV-ն:
Մակրոնը կարգադրել է վերանայել ազգային պաշտպանության ռազմավարությունը (Revue nationale stratégique) մինչև այս տարվա մայիս։ Այս թարմացումը պետք է սահմանի Ֆրանսիայի «գլոբալ պաշտպանության և վերազինման» հիմքերը: Նախորդ ռազմավարության վերանայումն իրականացվել է 2022 թվականին՝ Ուկրաինա ռուսական լայնամասշտաբ ներխուժման մեկնարկից հետո։
Թարգմանությունը՝ Տաթև Ֆռանգյանի
