23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Պապիկյանն այցելել է ՊՆ կենտրոնական հավաքակայան
Հասարակություն
07.01.2025 | 13:28
Ձմեռային զորակոչի մեկնարկի կապակցությամբ հունվարի 7-ին պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանի, պաշտպանության նախարարի տեղակալ Հրաչյա Սարգսյանի և զորակոչի գործընթացում ներգրավված պատասխանատու ստորաբաժանումների ղեկավարների ուղեկցությամբ պաշտպանության նախարար Սուրեն Պապիկյանն այցելել է ՊՆ կենտրոնական հավաքակայան: Այս մասին տեղեկացնում է Պապիկյանը իր ֆեյսբուքյան էջում։
«Շրջել եմ հավաքակայանում, տեղում ծանոթացել զորակոչային հանձնաժողովների աշխատանքներին, զրուցել զորակոչիկների հետ՝ մաղթելով բարի և անվտանգ ծառայություն:
Զեկուցել են նախապատրաստական աշխատանքների, զինակոչիկների բժշկական հետազոտության և կատարված այլ միջոցառումների իրականացման վերաբերյալ:
Հանձնարարականներ եմ տվել զորակոչի աշխատանքներին ներգրավված ծառայությունների ղեկավարներին՝ գործընթացը պատշաճ անցկացնելու համար»,- նշել է Պապիկյանը:
