08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
ԲՀԿ-ն քարոզարշավն ամփոփեց սև ու սպիտակի ֆլեշմոբով ու Գագիկ Ծառուկյանի ելույթով․ ՏԵՍԱՆՅՈՒԹ
Քաղաքականություն
21.09.2018 | 19:18
«Բարգավաճ Հայաստան» կուսակցության հաղթանակից հետո ներդրումային ծրագրերը շատ արագ են իրականացվելու, մենք չենք սպասելու, որ քաղաքի բյուջեում փող հավաքվի, լուծելու ենք բնակարանների և բազմաթիվ այլ խնդիրներ, մենք առաջարկել ենք այնպիսի թեկնածուներ, որոնք ձեր վստահությունն իրականություն են դարձնելու։ Այս մասին այսօր ԲՀԿ-ի ամփոփիչ քարոզարշավի ժամանակ ասաց ԲՀԿ նախագահ Գագիկ Ծառուկյանը։
Վերջինս նշեց, որ անձամբ է հետևելու քաղաքապետի աշխատանքին, եթե Նաիրա Զոհրաբյանը չի հաջողի, նրան այդ պաշտոնում կփոխարինի Պետրոս Ղազարյանը կամ այլ թեկնածու։
Գագիկ Ծառուկյանը շեշտեց՝ նպատակ ունի իր հնարավորություններն ի շահ Երևան քաղաքի օգտագործել, ցանկանում է ժողովրդի մեջ վերականգնել կորցրած հավատն ու ժպիտը։
«Ծառուկյանը պաշտոնի համար գլուխ չի ջարդում։ Ես ասում եմ, որ եթե հավատում եք, որ այս կամ այն ծրագիրը կարող ենք իրականացնել, կարող եք ձեր քվեն տալ և պահանջել տված խոստումների կատարում։ Ամեն ինչ կախված է ձեզանից, ամեն ինչ որոշելու է ժողովուրդը»,- ասաց Գագիկ Ծառուկյանը։
Նշենք, որ «Բարգավաճ Հայաստան» կուսակցությունն իր ամփոփիչ հանրահավաքին ներկայացավ սև և սպիտակի ֆլեշմոբով։
Մանրամասները՝ տեսանյութում։
